مەملەكەتتىك شەكارا شەبىندە وزىندىك ورنى بار بۇل گازەتتىڭ مەرەيتويىنا ارنايى شاقىرىلعان قوناقتار كوپ بولدى. ولاردىڭ ىشىندە بەلگىلى مەملەكەت قايراتكەرلەرى مەن ارداگەرلەر, قالامى قارىمدى جۋرناليستەر بار. وڭىرلىك باسقارمانىڭ كلۋبىندا وتكەن سالتاناتتى ءراسىمدى «وتان ساقشىسى – چاسوۆوي رودينى» گازەتى رەداكتورىنىڭ مىندەتىن ۋاقىتشا اتقارۋشى, پودپولكوۆنيك كەنجەبەك سەيتمۇحاممەدوۆ اشىپ, گازەتتىڭ وتكەن تاريحىنا كەڭىنەن توقتالدى.
مۇنان كەيىن ءسوز تىزگىنىن العان جۋرناليستەر وداعىنىڭ توراعاسى س.ماتاەۆ, بەلگىلى مەملەكەت قايراتكەرى س.جيەنباەۆ, ۇقك شەكارا قىزمەتىنىڭ ارداگەرى, وتستاۆكاداعى گەنەرال-مايور ش.وتەپوۆ, «گەنەرالدار كەڭەسى» رەسپۋبليكالىق قوعامدىق ۇيىمى توراعاسىنىڭ ءبىرىنشى ورىنباسارى گەنەرال-مايور م.تەلەگۋسوۆ, «قازاق گازەتتەرى» اكتسيونەرلىك قوعامىنىڭ پرەزيدەنتى ج.كەنجالين, الماتى قالاسى بويىنشا ۇقك دەپارتامەنتى ارداگەرلەرى كەڭەسىنىڭ توراعاسى م.شابانباەۆ قالىڭ جۇرتشىلىقتىڭ الدىندا وزدەرىنىڭ جۇرەكتەرىنەن شىققان لەبىزدەرىن ءبىلدىردى.
ارينە, اتالعان گازەتتىڭ شەكاراشىلار اراسىندا بەدەلدى بولۋى بۇل, ەڭ الدىمەن, اسكەري تىلشىلەردىڭ زامان تالابىنا ساي جۇمىس ىستەي بىلەتىندىگىنىڭ بەلگىسى. بۇگىندە “وتان ساقشىسى – چاسوۆوي رودينى” گازەتى ناعىز پاتريوتيزم مەن ەرەن ەرلىكتى ارداقتاۋ مىنبەرىنە اينالدى. الداعى كەزدە دە وسىلاي بولا بەرەرىنە سەنىمىمىز كامىل.
تامارا داۋلەتباەۆا,
پودپولكوۆنيك.
