ماڭعىستاۋ وبلىسىنىڭ جەتىباي اۋىلىندا ءجانتۇرشىگەرلىك وقيعا ورىن الدى. تەپسە تەمىر ۇزەتىن جەتى جىگىت كامەلەتكە تولماعان, جاسى 16-داعى ءبۇلدىرشىن قىزدى جابىلىپ زورلاعان.
وقيعا ۇستىمىزدەگى جىلعى 15 ناۋرىزدان 16 ناۋرىزعا قاراعان ءتۇنى بولدى. ءبىر كولىكتىڭ ىشىندە وتىرعان ءبىر توپ ەركەك دۇكەن جانىندا كەتىپ بارا جاتقان جاس قىزدى كولىككە كۇشتەپ مىنگىزەدى. سويتەدى دە, اۋىل شەتىندەگى ەسكى ءۇيدىڭ ورنىنا اپارىپ زورلايدى. الدىن الا جۇرگىزىلگەن تەرگەۋ مالىمەتىندە توعىز ادامنىڭ جەتەۋىنىڭ وسى ىسكە قاتىستىلىعى ايتىلعان. ءتىپتى, ولار قىزدى ۇرىپ-سوعىپ قانا قويا سالماي, تەمەكى شوعىن دەنەسىنە باسىپتى. ازعىنداردىڭ ەڭ ۇلكەنى 45 جاستا بولسا, ال كىشىسى 24 جاستا ەكەن.
جاقىندا وسى ىسكە بايلانىستى سوت ۇكىمى جاريا ەتىلدى. ولاردىڭ ەكەۋى 17 جىلعا, ەكەۋى 16 جىلعا, تاعى ەكەۋى 14 جىلعا, كەلەسىسى 13 جىلعا باس بوستاندىعىنان ايرىلدى.
باقىتبەك كەنەش ۇلى.
