وسى ورايدا الماتى قالاسى اكىمدىگىنىڭ ءباسپاسوز ورتالىعىندا الماتى قالاسى اكىمىنىڭ ورىنباسارى مۇحيت ازىرباەۆ, «الماتى قالاسىنىڭ دامۋ ورتالىعى» اق باسقارما توراعاسى سانجار ىزتىلەۋوۆ «الماتى قالاسىنىڭ ەرەكشە مارتەبەسى تۋرالى» ءباسپاسوز كونفەرەنتسياسىندا قالا مارتەبەسىنە قاتىستى ماڭىزدى جايتتارمەن ءبولىستى.
مەملەكەت باسشىسىنىڭ 2019 جىلعى 2 قىركۇيەكتەگى جولداۋىندا ۇكىمەتكە ەڭ ءىرى ءۇش قالا اكىمدىكتەرىنە, ونىڭ ىشىندە قالا قۇرىلىسى ساياساتى, كولىك ينفراقۇرىلىمى جانە ساۋلەت كەلبەتىن قالىپتاستىرۋ سالاسىنداعى قۇزىرەتتەرىن كەڭەيتۋ تاپسىرىلدى. ۇلتتىق ەكونوميكا مينيسترلىگى الماتى قالاسىنىڭ اكىمدىگىمەن جانە باسقا دا ورتالىق مەملەكەتتىك ورگاندارمەن بىرلەسە وتىرىپ ۇكىمەتكە ۇسىنىستار ەنگىزدى. وسىلايشا, 2019 جىلى 28 جەلتوقساندا مەملەكەت باسشىسى قاسىم-جومارت توقاەۆ مەگاپوليستى دامىتۋعا جاڭا مۇمكىندىكتەر بەرەتىن «الماتى قالاسىنىڭ ەرەكشە مارتەبەسى تۋرالى» زاڭ; «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭى; «ساۋلەت, قالا قۇرىلىسى جانە قۇرىلىس قىزمەتى تۋرالى» زاڭدارعا قول قويعانى بەلگىلى.
ەنگىزىلگەن وزگەرىستەر الماتى قالاسىنىڭ مارتەبەسىن انىقتايتىن اعىمداعى زاڭناماسىنىڭ قۇقىقتىق مونيتورينگى مەن تالداۋىنىڭ, سونداي-اق ءىرى مەگاپوليستەر مەن الەمدىك استانالار مارتەبەلەرىن رەگلامەنتتەۋدىڭ شەتەلدىك تاجىريبەسىن زەرتتەۋدىڭ ناتيجەسى بولدى.
م. ازىرباەۆ اتاپ وتكەندەي, ساۋلەت, قالا قۇرىلىسى, جەر قاتىناستارى, جاسىل قوردى ساقتاۋ, كاسىپكەرلىك, كوممۋنالدىق مەنشىكتى باسقارۋ, كولىك جانە الەۋمەتتىك سالالاردى دامىتۋعا قاتىستى 28 وزگەرىستەر ەنگىزىلدى.
زاڭداعى وزگەرىستەردىڭ نەگىزگى ماقساتى قالا تۇرعىندارىن قولايلى جاعدايمەن قامتۋ, بۇل قالانى دامىتۋدىڭ ماڭىزدى فاكتورلارىنىڭ ءبىرى بولىپ تابىلادى. مىسالى, الماتى قالاسى ءۇشىن اۋماقتىڭ ساۋلەتتىك جانە قالا قۇرىلىسىن دامىتۋ بولىگىندە جەكە ەرەجەلەر مەن تالاپتاردى قابىلداۋعا مۇمكىندىك بەرەتىن نورما ەنگىزىلدى. ەرەجە عيماراتتاردىڭ ساۋلەتتىك كەلبەتىن ساقتاۋ ءۇشىن قالالىق كەڭىستىكتى بەزەندىرۋ جانە سالۋ بولشەكتەرىن رەگلامەنتتەۋگە ارنالعان. بۇدان باسقا, اباتتاندىرۋ, كوگالداندىرۋ, جارىقتاندىرۋ ەلەمەنتتەرى قاتار جينالادى جانە قالا ساۋلەتتىك بىرەگەيلىگىن قالىپتاستىرۋ مەن ساقتاۋ سونداي-اق, ساۋلەت جانە قالا قۇرىلىسى قىزمەتىن ىسكە اسىرۋ كەزىندە تەڭگەرىمسىزدىك پەن رەتسىزدىكتى بولدىرماۋعا مۇمكىندىك بەرەتىن ستاندارت جاسالادى.
قالا ماڭىنداعى اۋماقتاردى قالا قۇرىلىسىن يگەرۋ كەزىندە الەۋمەتتىك, كولىكتىك جانە وزگە دە ينفراقۇرىلىمدى دامىتۋ پروتسەستەرىن قامتاماسىز ەتۋ ءۇشىن قالا ماڭىنداعى اۋماقتاردى قالا قۇرىلىسىن جوسپارلاۋدى ۇيلەستىرۋ جانە ىسكە اسىرۋ جونىندەگى قالانىڭ وكىلەتتىكتەرى كەڭەيتىلدى.
وڭتۇستىك استانانىڭ جاسىل قورىن ساقتاۋ جانە قورعاۋ ماقساتىندا جاسىل جەلەكتەردى كۇتىپ ۇستاۋ مەن قورعاۋدىڭ جەكە ەرەجەلەرىن ازىرلەۋ جانە بەكىتۋ فۋنكتسيالارى كوزدەلگەن, وندا وتەمدىك وتىرعىزۋ, جاسىل جەلەكتەردى جاسارتۋ, سانيتارلىق كەسۋ بويىنشا نورمالار ەنگىزىلەتىن بولادى, سونداي-اق جاسىل جەلەكتەردى كۇتۋ بويىنشا جۇمىستار جۇرگىزۋ جانە تەحنولوگيالار بويىنشا نۇسقاۋلىقتار ازىرلەۋ جانە ت. ب. كوزدەلگەن.
سونداي - اق, زاڭ نەگىزگى قۇزىرەتتىلىكتەرمەن قاتار, كولىك, جۇمىسپەن قامتۋ ساياساتى, مەديتسينالىق قىزمەت كورسەتۋ ساپاسىن ارتتىرۋ ماسەلەلەرىن دامىتۋ مۇمكىندىگىن قاراستىرادى, ولار قالانى دامىتۋعا, ساپالى قالالىق ورتا قۇرۋعا, قالا تۇرعىندارىنىڭ ءومىر ءسۇرۋ جاعدايىن جاقسارتۋعا, بيزنەستى دامىتۋعا باعىتتالادى دەپ قورىتىندىلادى مۇحيت ازىرباەۆ.
