2026 جىلدىڭ باسىنان باستاپ استانا قالاسىندا, اقمولا جانە پاۆلودار وبلىستارىندا اۆتومەكتەپتەر قىزمەتىن ۇيىمداستىرۋ جانە جۇرگىزۋشى كۋالىكتەرىن راسىمدەۋ بارىسىندا زاڭسىز سىياقى الۋ دەرەكتەرى انىقتالعان. تەرگەۋ مالىمەتىنە قاراعاندا, استانا قالاسىنداعى مامانداندىرىلعان حالىققا قىزمەت كورسەتۋ ورتالىعى باسشىسىنىڭ بۇرىنعى ورىنباسارى جۇيەلى تۇردە پارا الىپ, ازاماتتارعا ەمتيحان تاپسىرۋعا جانە جۇرگىزۋشى كۋالىگىن الۋعا كومەكتەسكەن.
ەلدەگى اقىلى جولداردا تولەم مەرزىمدەرى وزگەردى: جۇرگىزۋشىلەر نەنى ەسكەرۋى كەرەك؟
جالپى سوماسى 100 ميلليون تەڭگەدەن اساتىن 60-تان استام زاڭبۇزۋشىلىق فاكتىسى پروتسەستىك تۇرعىدا قۇجاتتالعان.
سونىمەن قاتار كوكشەتاۋ قالاسىنداعى مامانداندىرىلعان حقكو مەن ەكىباستۇز قالاسىنداعى «ازاماتتارعا ارنالعان ۇكىمەت» مەملەكەتتىك كورپوراتسياسى فيليالدارى باسشىلارىنىڭ زاڭسىز ارەكەتتەرى توقتاتىلدى. ولار جالعان تۇلعالار ارقىلى ەمتيحان تاپسىرۋدى ۇيىمداستىرىپ, سول ءۇشىن اقشا العانى انىقتالعان.
بەرەشەك كولەمى 3 ملرد تەڭگەگە جەتتى: استانادا كولىك سالىعىن تولەمەگەن جۇرگىزۋشىلەرگە ەسكەرتۋ جاسالدى
بۇدان بولەك, استانا, شىمكەنت جانە تاراز قالالارىنداعى «ازاماتتارعا ارنالعان ۇكىمەت» مەملەكەتتىك كورپوراتسياسى فيليالدارىندا جىلجىمايتىن م ۇلىكتى قايتا تىركەۋ جانە اۋىرتپالىقتاردى الىپ تاستاۋ كەزىندە وكىلەتتىگىن تەرىس پايدالانعان لاۋازىمدى تۇلعالاردىڭ زاڭسىز بايۋ فاكتىلەرى اشكەرەلەندى.
اتالعان دەرەكتەر بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە مالىمەتتەر جاريا ەتىلمەيدى.
