فرانتسيانىڭ ليون قالاسىندا مۇمكىندىگى شەكتەۋلى سپورتشىلار اراسىندا جەڭىل اتلەتيكادان وتكەن الەم چەمپيوناتىندا قازاقستان قۇراماسى 8 ليتسەنزيا الىپ, جارىس قورىتىندىسى بويىنشا ۇزدىك سەگىزدىككە ەندى.
فرانتسيانىڭ ليون قالاسىندا مۇمكىندىگى شەكتەۋلى سپورتشىلار اراسىندا جەڭىل اتلەتيكادان وتكەن الەم چەمپيوناتىندا قازاقستان قۇراماسى 8 ليتسەنزيا الىپ, جارىس قورىتىندىسى بويىنشا ۇزدىك سەگىزدىككە ەندى.
ۇلتتىق پاراليمپيادا كوميتەتىنىڭ سپورت بويىنشا ۆيتسە-پرەزيدەنتى گالينا ۆانينانىڭ ايتۋىنشا, بيىلعى الەم چەمپيوناتىنداعى سپورتشىلارعا جۇكتەلگەن نورماتيۆتەر لوندوندا وتكەن پاراليمپيادالىق ويىندارداعىدان دا قاتاڭ بولعان. دەگەنمەن, ءبىزدىڭ سپورتشىلار قازاقستاننىڭ نامىسىن قورعاي الدى. بۇل «سامۇرىق-قازىنا» ۇلتتىق ءال-اۋقات قورىنىڭ ەكى جىلدىق قولداۋىنىڭ ارقاسىندا مۇمكىن بولدى. ءتورت سپورتشى ۇزدىك سەگىزدىككە ەنىپ, ۇلتتىق رەكورد ورناتتى. ولار وزگە ەلدەردىڭ سپورتشىلارىنا ەسە جىبەرگەن جوق. «بۇگىندە, باستى ءۇمىت جاستارعا ارتىلىپ وتىر. ولاردان ەلىمىزدىڭ نامىسىن قورعاپ, سپورتپەن شۇعىلدانۋعا قورىقپاۋعا, وبلىس ورتالىقتارىندا, اۋىلداردا سەكتسيالارعا بارۋعا شاقىرامىز. 2015 جىلى وتەتىن كەلەسى ويىنداردا تاباندى كۇرەسەتىن بولامىز», – دەدى گ.ۆانينا.
قازاقستاندىقتار اراسىندا يادرو لاقتىرۋدان راۆيل مانسۇرباەۆ – بەسىنشى, ۇزىندىققا سەكىرۋدەن اينۇر تايجانوۆا – جەتىنشى, نايزا لاقتىرۋدان امانات قالقاەۆ پەن داۋرەنباي نارىبەكوۆ سەگىزىنشى بولدى.
