مەملەكەت باسشىسى حاكىم ابايدى بۇگىنگى كۇنمەن, قازىرگى قازاقتارمەن قابىستىرا, ونىڭ ءاربىر ويىن ۇلگى ەتىپتى. اۋەلى ۇلتتىق بولمىستىڭ ۇلگىسى دەپ ۇلتتىق مۇرالارىمىزدى بۇگىنگى وڭ ۇردىستەرمەن ۇيلەستىرە دامىتۋدى كوزدەيتىن قۇبىلىس دەپ قارايدى.
«بۇل رەتتە ءبىز ابايدى اينالىپ وتە المايمىز. سەبەبى ۇلى ويشىل وسىدان ءبىر عاسىردان استام ۋاقىت بۇرىن ۇلتتى جاڭعىرۋعا, جاڭارۋعا, جاڭا ومىرگە بەيىم بولۋعا شاقىرعان. «عىلىم تاپپاي ماقتانبا» دەپ, ءبىلىمدى يگەرمەيىنشە, بيىكتەردىڭ باعىنا قويمايتىنىن ايتتى. ول ء«بىز عىلىمدى ساتىپ مال ىزدەمەك ەمەسپىز» دەپ تۇجىرىمداپ, كەرىسىنشە, ەل داۋلەتتى بولۋى ءۇشىن عىلىمدى يگەرۋ كەرەگىنە نازار اۋداردى. ۇلى ابايدىڭ «پايدا ويلاما, ار ويلا, تالاپ قىل ارتىق بىلۋگە» دەگەن ونەگەلى وسيەتىن دە وسى تۇرعىدان ۇعىنۋىمىز قاجەت. ول ءۇشىن ءتىل ۇيرەنۋگە ءتيىسپىز. اقىن ەل-جۇرتىن ءتۇرلى ونەردى يگەرۋگە ۇگىتتەدى. سونىڭ ءبارى ۋاقىتتىڭ تالابى ەكەنىن ول انىق اڭعارىپ, ۇلتىنا ەرتەرەك ءۇن قاتتى. ءتىپتى قازىر ايتىپ جۇرگەن ينتەللەكتۋالدى ۇلت قالىپتاستىرۋ يدەياسى ابايدان باستاۋ الدى دەۋگە بولادى. ۇلى ويشىل ءار سوزىمەن ۇلتتىڭ ورەسىن ءوسىرۋدى كوزدەدى» دەدى پروفەسسور.
«سونىمەن قاتار ادىلەتتىلىك بىركەلكى ەمەس جانە ادىلەتتىلىك دەگەن بۇرىڭعى بولشەۆيزمگە, سوۆەت زامانىنا قايتۋ ەمەس. ادىلەتتىلىك ءۇش بايلىق, حالىققا ادىلەتتى بولۋ, كوپ بالالى انالارعا كومەك كورسەتۋ, جاعدايى اۋىر ازاماتتارعا مەملەكەتتىك كومەك كورسەتۋ, مىنە وسىنى اباي ناسيحاتتاعان» دەدى بۇركىتباي اياعان.
«ابايدى ءبىز قالاي دارىپتەسەك تە جاراسادى. ءبىز ابايدى ايتقان ءسوزىن ىسكە اسىرۋىمىز كەرەك, سوعان ۇمتىلۋىمىز كەرەك. ءدال وسى ماسەلەگە پرەزيدەنت نازار اۋدارۋعا شاقىرادى. ابايدى الەمگە تانىتۋ, ناسيحاتتاۋ ءۇشىن اۋدارما ىسىنە دە ءمان بەرۋ كەرەك. ودان بولەك اباي ورتالىقتارىن قۇرۋ, ونىڭ اراسىندا سەمەي قالاسىن تاريحي ورتالىق رەتىندە بەلگىلەپ, 1918 جىلى سەمەي قالاسىندا مۇحتار اۋەزوۆ پەن جۇسىپبەك ايماۋىتوۆ نەگىزىن قالاعان «اباي» جۋرنالىن قايتادان جانداندىرۋ ماسەلەسىن قولعا الۋ كەرەك» دەپ تۇيىندەدى ول.
