اقتوبە وبلىسىنداعى قارابۇتاق اۋىلىندا ۇيلەنۋ تويى وتكىزىلىپ, 60-تان اسا ادام ساپاسىز تاعامنان ۋلاندى. بۇل تۋرالى كتك تەلەارناسى حابارلادى.
توي وتكىزىلگەن رەستوران اۋدان اكىمى زايىبىنىڭ (دەمەك, اكىمنىڭ!) مەنشىگى كورىنەدى. سوندىقتان جەرگىلىكتى جەردەگى اۋداندىق اۋرۋحانا دارىگەرلەرى بولعان وقيعا جونىندە اقپارات بەرۋدەن باس تارتقان. كۋاگەرلەردىڭ ايتۋلارى بويىنشا, تاعامنان ۋلانعانداردىڭ ىشىندە بۇلدىرشىندەر دە بار ەكەن.
بۇل وقيعا تۋرالى «جەتىنشى» تەلەارنا دا حابار بەردى. تەلەارنا تىلشىسىنە بەرگەن سۇحباتىندا رەستوران قىزمەتكەرى ايمان ەسىموۆا بىلاي دەدى: «جاسىراتىن نەسى بار, توي داستارحانىنان ءدام تاتقان مەنىڭ وتباسىم دا ۋلاندى. ويتكەنى, جۇرتقا بەرىلگەن ەت تاعامى قارايىپ كەتكەن. سورپاسى دا سونداي».
بىزگە كەلىپ تۇسكەن سوڭعى اقپاراتتا سانيتارلىق-ەپيدەميولوگيالىق ساراپتاما ورتالىعى ماماندارىنىڭ بۇل وقيعانى ەندى تەكسەرۋگە كىرىسكەنى جونىندە جازىلعان.
دانيار تۇيمەباي.
