جيىندا تەرگەۋ دەپارتامەنتىنىڭ باستىعى پوليتسيا پولكوۆنيگى س.ءا. ءادىلوۆ قازاقستان رەسپۋبليكاسىنىڭ ىشكى ىستەر ورگاندارى تەرگەۋ اپپاراتىنىڭ مەملەكەت باسشىسى قاسىم-جومارت توقاەۆ قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق, قىلمىستىق-پروتسەستىك زاڭنامانى جەتىلدىرۋ جانە جەكە ادامنىڭ قۇقىقتارىن قورعاۋدى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ قولدانۋعا دايىن ەكەنىن حابارلادى.
وسى زاڭ قازاقستان رەسپۋبليكاسى قىلمىستىق كودەكسىنىڭ 10-تاراۋىنىڭ 69-بابىنا جانە قىلمىستىق-پروتسەستىك كودەكسىنىڭ 72-بابىنا وزگەرىستەر ەنگىزەدى.
ءىس-شارا بارىسىندا جىنىستىق تيىسپەۋشىلىككە قارسى قىلمىستار ءۇشىن جاۋاپكەرشىلىكتى قاتاڭداتۋدىڭ ەرەكشەلىكتەرى جاريالاندى. جىنىستىق زورلىق-زومبىلىق قىلمىستارى بويىنشا تاتۋلاسۋ مۇمكىندىگىنىڭ الىنىپ تاستالعانى اتالىپ كورسەتىلدى.
مالدى ۇرلاۋدىڭ الدىن الۋعا باعىتتالعان شارالار سيپاتتالدى. قىلمىستىق زاڭنىڭ مالدى ۇرلاۋ تۋرالى جاڭا نورماسى ۇرلىقتىڭ باسقا تۇرلەرىنە قاراعاندا اناعۇرلىم قاتاڭ جاۋاپكەرشىلىكتى كوزدەيدى. قايتا تاتۋلاسۋ مۇمكىندىگى الىپ تاستالىندى.
ءوز كەزەگىندە تەرگەۋ دەپارتامەنتى باستىعىنىڭ ورىنباسارى پوليتسيا پولكوۆنيگى م.ج. قوجاەۆ ازاماتتاردىڭ ءال-اۋقاتىنىڭ وسۋىمەن جانە اۆتوپاركتىڭ ارتۋىمەن قاتار ماس كۇيدە كولىكتى باسقارۋ زاڭ بۇزۋشىلىقتارىنىڭ ءوسىپ وتىرعانىن مالىمدەدى. وسىنداي قىلمىستار ءۇشىن جازانى كوزدەيتىن قىلمىستىق نورمالاردىڭ سانكتسيالارى ەداۋىر قاتاڭداتىلدى.
جانۋارلار مەن وسىمدىكتەر دۇنيەسىن قورعاۋ شارالارىن كۇشەيتۋ بويىنشا جۇمىس جالعاستىرىلدى. كيىكتەردى زاڭسىز اۋلاۋ ءۇشىن دەربەس, اناعۇرلىم قاتاڭ جاۋاپكەرشىلىك ەنگىزىلدى, بۇل سيرەك كەزدەسەتىن جانۋارلاردىڭ ازايىپ بارا جاتقان سانىن ساقتاۋعا مۇمكىندىك بەرەدى.
جۇرتشىلىقتىڭ نازارىنا ەسىرتكىنىڭ زاڭسىز اينالىمىنا قارسى كۇرەس بويىنشا شارالار تۋرالى اقپارات جەتكىزىلدى. قىلمىستىق كودەكستىڭ ناسيحاتتاۋ جانە زاڭسىز جارناما تۋرالى جاڭا بابى قوعامدا ەسىرتكى قۇرالدارىن زاڭسىز تۇتىنۋعا جانە ونىڭ اينالىمىنا دەگەن جاعىمدى كوزقاراس قالىپتاستىرۋعا باعىتتالعان كەز كەلگەن نىسانداعى اقپاراتتىڭ تارالۋىن ەسكەرتۋگە ارنالعان.
اۋىر جانە اسا اۋىر قىلمىستاردىڭ جەكەلەگەن تۇرلەرى ءۇشىن جاۋاپكەرشىلىكتى قاتاڭداتاتىن زاڭ ەرەجەلەرى اعىمداعى جىلعى 11 قاڭتاردان باستاپ كۇشىنە ەنەدى.
