قوعام • 06 قاڭتار، 2020

ءماجىلىستىڭ ءبىر توپ دەپۋتاتى قوستانايعا باردى

38 رەتكورسەتىلدى

بۇگىن پارلامەنت ءماجىلىسىنىڭ دەپۋتاتتارى - ءاليا ساپاروۆا، يۆان كليمەنكو، يرينا ارونوۆا، قۋانىش سۇلتانوۆ جانە البەرت راۋ قوستاناي وبلىسىنا جۇمىس ساپارىمەن باردى.

قازاقپارات ءتىلشىسىنىڭ حابارلاۋىنشا، ماجىلىسمەندەردىڭ جۇمىس توبى اۋەلى وبلىستىڭ پارتيا بەلسەندىلەرىمەن كەزدەسكەن. جيىندا ەلدى مەكەندەردى وڭتايلاندىرۋ، الەۋمەتتىك جاردەماقى تولەۋدىڭ جاڭا جۇيەسى جانە الەۋمەتتىك كومەك پاكەتى ءسوز بولعان. سونىمەن قاتار جاستار جىلىنىڭ قورىتىندىلارى تۋرالى دا اقپارات بەرىلگەن.

دەپۋتاتتار قوستاناي قالاسىنىڭ بەلسەندى جاستارىمەن دە كەزدەستى. باسقوسۋ بارىسىندا، اسىرەسە، وبلىستاعى جاستار ساياساتىن دامىتۋ سالاسىنداعى ەڭ وزەكتى ماسەلەلەر انىقتالدى. ۇسىنىستار مەن پىكىرلەر دەپۋتاتتار نازارىنا الىندى.

يرينا ارونوۆا پارلامەنت جۇمىسى بارىنشا اشىق ەكەنىن اتاپ ءوتتى.

«وتكەن جىلدان باستاپ ناقتى ۋاقىت رەجىمىندە جۇمىس توپتارىنىڭ وتىرىسى ءوتىپ جاتىر. دەپۋتاتتىق ساۋالداردى قالىپتاستىرۋدا وبلىستىق جانە اۋداندىق ماسليحاتتارعا ەرەكشە ءرول بولىنگەن. بۇل رەتتە قوستاناي وبلىسىنىڭ پارلامەنتپەن ءوزارا ءىس-قيمىل بولىگىندەگى جۇمىسى رەسپۋبليكاداعى ەڭ ۇزدىكتەردىڭ ءبىرى دەپ تانىلدى» دەدى دەپۋتات.

ساپار اياسىندا دەپۋتاتتار وبلىستىڭ شالعاي اۋىلدارىن ارالاۋعا بەكىنىپ وتىر.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار