حالىقتىڭ الەۋمەتتىك وسال توپتارىنا كورسەتىلەتىن كومەكتىڭ جاڭا فورماتىنا سايكەس, جاردەماقى كوپبالالى وتباسىلارعا تابىسىنا قاراماستان وتباسىنداعى بالالار سانىنا قاراي سارالانعان مولشەردە تولەنەدى. اتاپ ايتقاندا, 4 بالاعا - 42 496 تەڭگە, 5 بالاعا - 53 127 تەڭگە, 6 بالاعا - 63 757 تەڭگە,7 جانە ودان كوپ بالاعا - 74 388 تەڭگە.
كوپبالالى وتباسىلارعا مەملەكەتتىك جاردەماقىعا ءوتىنىش بەرۋ ءۇشىن قۇجاتتاردى ەسىل, سارىارقا, بايقوڭىر, الماتى اۋداندارىنىڭ حالىققا قىزمەت كورسەتۋ ورتالىقتارىنا وتكىزۋ قاجەت.
قازىرگى كەزدەگى جاعداي بويىنشا بۇرىن ارنايى مەملەكەتتىك جاردەماقى العان 10 266 كوپبالالى وتباسىعا تولەمدەر اۆتوماتتاندىرىلدى. ال 2018-2019 جىلدارى تۋىلعان 4 جانە ودان دا كوپ بالاسى بار 5 075 وتباسىعا مەملەكەتتىك جاردەماقى قايتا تاعايىندالدى.
ەگەر وتباسىنىڭ جان باسىنا شاققانداعى ورتاشا كىرىسى استانادا بەلگىلەنگەن كەدەيلىك شەگىنەن تومەن بولسا نەمەسە ەڭ تومەنگى كۇنكورىس دەڭگەيىنىڭ 70%-ى بولسا, ازاماتتار اتاۋلى الەۋمەتتىك كومەككە جۇگىنە الاتىندىعىن ايتا كەتكەن ءجون.
ەستەرىڭىزگە سالساق, 2020 جىلدىڭ 1 توقسانىنداعى ەڭ تومەنگى كۇنكورىس دەڭگەيى - 34 654 تەڭگە, كش - كەدەيلىك شەگى - 24 258 تەڭگەنى قۇرايدى.
