ءۇش اي بويى ينستيتۋت قالا تۇرعىندارى مەن ساراپشىلار قوعامداستىعىنان استانانىڭ ديزاين-كودىن ازىرلەۋگە قاتىستى پىكىرلەرى مەن ۇسىنىستارىن astanagenplan@mail.ru ەلەكتروندىق پوشتاسى ارقىلى قابىلدايتىن بولادى.
قالالىق ساۋلەت, قالا قۇرىلىسى جانە جەر قاتىناستارى باسقارماسى ديزاين-كود قالانىڭ ساۋلەتتىك كەلبەتىن قالىپتاستىرۋ, ورتا ديزاينى مەن ەستەتيكالىق كورىنىسىن جەتىلدىرۋ جونىندەگى ەرەجەلەر مەن ۇسىنىمداردىڭ جيىنتىعى بولىپ تابىلاتىنىن ەسكە سالادى.
باسقارما ماماندارىنىڭ ايتۋىنشا, ديزاين-كودتا كەڭىستىك پەن قالالىق ورتا وبەكتىلەرىن جۇيەسىز, رەتسىز قالىپتاستىرۋ تاجىريبەسىنىڭ سالدارىن جويۋعا, قالا كوشەلەرى مەن الاڭدارىن جوبالاۋ, تۇرعىزۋ ۇدەرىسىنە بەلگىلى ءبىر ءتارتىپ پەن ەستەتيكالىق باعىت ەنگىزۋگە مۇمكىندىك بەرەتىن ەرەجەلەر ازىرلەنىپ, ۇسىنىستار جاسالدى.
سونداي-اق بىرىڭعاي ساۋلەت ءستيلىنىڭ پارامەترلەرى «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» قازاقستان رەسپۋبليكاسىنىڭ 2001 جىلعى 16 شىلدەدەگى زاڭىندا جازىلعان. سوعان سايكەس رەسپۋبليكالىق ماڭىزى بار بارلىق قالالار مەن وبلىس ورتالىقتارى ءۇشىن ديزاين-كود قۇجاتىن جاساۋ قاجەتتىلىگى كورسەتىلگەن. الايدا ازىرگە بىرىڭعاي ديزاين-كود تەك نۇر-سۇلتاندا عانا قابىلداندى.
