قازاقستان • 04 قاڭتار، 2020

قوناەۆ مۋزەيىندە « ۇلى ادامنىڭ ماڭگىلىك ماحابباتى» كورمەسى ءوتىپ جاتىر

479 رەتكورسەتىلدى

دىنمۇحامەد قوناەۆ سياقتى ۇلى تۇلعانىڭ ومىرلىك جارى، سەنىمدى سەرىگى زۋحرا شارىپقىزىنىڭ تۋعانىنا بيىل 101 جىل تولادى. مۋزەي ماماندارىنىڭ ايتۋىنشا، زۋحرا اپامىز كوپشىلىك اراسىندا ءوزىنىڭ كىشىپەيىلدىلىگى، قاراپايىمدىلىعى مەن قوناقجايلى مىنەزىمەن سىيلى بولدى. دىنمۇحامەد قوناەۆ پەن زۋحرا شارىپقىزى جارتى عاسىرداي ۋاقىت بويى ءدام-تۇزى جاراسىپ، ءومىردىڭ ەڭ باقىتتى كۇندەرىن بىرگە وتكىزگەن. ديماش اتامىز بۇل جايلى ءوزىنىڭ ەستەلىكتەرىندە «مەن جارىممەن 50 جىل 6 اي 2 كۇن بىرگە ءومىر ءسۇردىم» دەپ جازىپ قالدىرعان.

وسى ايتۋلى مەرەيتوي اياسىندا د.ا. قوناەۆ مۋزەيىندە « ۇلى ادامنىڭ ماڭگىلىك ماحابباتى» اتتى كورمە وتكىزىلۋدە. كورمەگە كەلۋشىلەر زۋحرا شارىپقىزى مەن دىنمۇحامەد قوناەۆتىڭ جەكە فوتوسۋرەتتەرىمەن تانىسىپ قانا قويماي، زۋحرا شارىپقىزىنىڭ 100 جىلدىعىنا د.ا.قوناەۆ مۋزەيى ارنايى تۇسىرگەن «ۆوسپومينانيا و زۋحرە شاريپوۆنە» ءفيلمىن دە تاماشالاي الادى.

مۋزەي تاريحىنا توقتالىپ وتەتىن بولساق، د.ا.قوناەۆتىڭ مەموريالدىق پاتەر-مۋزەيى جادىگەرلەرىنىڭ قۇندىلىعىمەن ەرەكشەلەنەدى. مۇندا د.ا. قوناەۆتىڭ جەكەلەگەن زاتتارى، تەحنيكالىق، انىقتامالىق جانە كوركەم ادەبيەتتەر، ونەر جونىندە البومدار، اۆتورلاردىڭ جەكەلەي قولتاڭباسى جازىلعان كىتاپتارى، جيھازدار، تۇرمىستىق زاتتار، مەرەيتويلارىنا ارنالعان كوپتەگەن سىيلىق پەن ەكسپوناتتار، باسقا دا ءار الۋان زاتتار بار. بۇلاردىڭ ءبارى ۇزاق جىلدار بويى مۇقيات ساقتالعان جانە دىنمۇحامەد احمەت ۇلى قوناەۆتىڭ نەمەرە ءىنىسى ديار اسقار ۇلى قوناەۆ مۇراجايعا تابىس ەتكەن.

د.ا. قوناەۆ مۇراجايى ەكى ەكسپوزيتسيالىق زالدان تۇرادى. ءبىرىنشى ەكسپوزيتسيالىق زال د.ا.قوناەۆتىڭ «بالالىق شاعى مەن ستۋدەنتتىك كەزدەرى جانە ەڭبەك جولىنىڭ باستالۋى»، ەكىنشى ەكسپوزيتسيالىق زال «د.ا.قوناەۆ ساياسي جانە قوعام قايراتكەرى» تاقىرىبىن قامتيدى. مۇراجاي قورىندا 3 مىڭعا جۋىق جادىگەر جيناقتالعان.

ا

 

الماتى

سوڭعى جاڭالىقتار

ۇقساس جاڭالىقتار