تامساندىرعان تاۋ. ۋىلجىعان ۋىز دۇنيە. ساقي سىيعا قاعاناعى قارق ادامدار... ورالحان بوكەيدىڭ تىلىمەن ايتقاندا: «التايدىڭ اتقا ءمىنىپ تۇرعان كەزى». «جاقسىنى كورمەككە». اسىق كوڭىلدىڭ التاي اسقارىن بەتاشارى بولىپ جاتقان جاس كەلىندەي تاماشالاۋى تەگىن ەمەس. تابانىمىز تۇڭعىش تيگەن ەدى. تامىلجىعان تابيعات تارتۋىنا ءتاۋ ەتكەن تۋمالارى وراعاڭنىڭ (و.بوكەي), قال-اعاڭنىڭ (ق.ىسقاق), الاعاڭنىڭ ء(ا.اسقاروۆ), ديداعاڭنىڭ (د.ءاشىمحان), اساعاڭنىڭ (ا.التاي) شىعارمالارىن جاستانا وقىعان, كوركەم ادەبيەت ارقىلى التايمەن اندا بولعان البىرت شاعىمىز ەسكە ءتۇسىپ كەلەدى. ميىعىمىزدان كۇلەمىز. جارق ەتىپ جاقپارلاردان, شاتقالداردان, شىڭ باسىنان, قالىڭ قاراعايدان تانىس تا بەيتانىس كەيىپكەرلەر شىعا كەلەتىن سياقتى... ءدۇريا ورماندى ءدۇر سىلكىنتىپ, «قايداسىڭ, قاسقا ق ۇلىنىمداعى» قارشىعا قىل ارقاندى قۇرىعىن بەزەپ, شاڭىراق ءمۇيىز بۇعىنى قۋىپ بارا جاتقان سەكىلدى. الدە قاراعايعا قايىستىرا بايلاپ, اربيعان اشا ءمۇيىزدى ارالاپ جاتىر ما ەكەن؟..
ءور التايدىڭ ءوز الەمى بار
تامساندىرعان تاۋ. ۋىلجىعان ۋىز دۇنيە. ساقي سىيعا قاعاناعى قارق ادامدار... ورالحان بوكەيدىڭ تىلىمەن ايتقاندا: «التايدىڭ اتقا ءمىنىپ تۇرعان كەزى». «جاقسىنى كورمەككە». اسىق كوڭىلدىڭ التاي اسقارىن بەتاشارى بولىپ جاتقان جاس كەلىندەي تاماشالاۋى تەگىن ەمەس. تابانىمىز تۇڭعىش تيگەن ەدى. تامىلجىعان تابيعات تارتۋىنا ءتاۋ ەتكەن تۋمالارى وراعاڭنىڭ (و.بوكەي), قال-اعاڭنىڭ (ق.ىسقاق), الاعاڭنىڭ ء(ا.اسقاروۆ), ديداعاڭنىڭ (د.ءاشىمحان), اساعاڭنىڭ (ا.التاي) شىعارمالارىن جاستانا وقىعان, كوركەم ادەبيەت ارقىلى التايمەن اندا بولعان البىرت شاعىمىز ەسكە ءتۇسىپ كەلەدى. ميىعىمىزدان كۇلەمىز. جارق ەتىپ جاقپارلاردان, شاتقالداردان, شىڭ باسىنان, قالىڭ قاراعايدان تانىس تا بەيتانىس كەيىپكەرلەر شىعا كەلەتىن سياقتى... ءدۇريا ورماندى ءدۇر سىلكىنتىپ, «قايداسىڭ, قاسقا ق ۇلىنىمداعى» قارشىعا قىل ارقاندى قۇرىعىن بەزەپ, شاڭىراق ءمۇيىز بۇعىنى قۋىپ بارا جاتقان سەكىلدى. الدە قاراعايعا قايىستىرا بايلاپ, اربيعان اشا ءمۇيىزدى ارالاپ جاتىر ما ەكەن؟..
– جەتىپ قالدىق, – دەدى ءبىزدى كاتونقاراعاي اۋدانىنىڭ ورتالىعى ۇلكەن نارىننان ەرتىپ شىققان بەلقاراعاي اۋىلىنىڭ اكىمى. «كورمەگەنگە كوسەۋ تاڭ». گۇلسارى ورتا يەكتەپ كەلە جاتقان ويىمىزدى جيىپ الدىق. التاي القىمىنا ەنگەنىمىز الگىندە ەدى, ۇزاماي توقتاعانىمىزعا ناۋمەز بولىپ قالدىق.
كەشقۇرىم اۋىل اعاسى داۋرەن قاليبەكوۆ ءبىزدى «نۇربۇلاق» شيپاجايىنا الىپ كەلدى.
– ىزدەگەنىڭدى وسى ارادان تاباسىڭ, – دەدى.
مارال شارۋاشىلىقتارى
ىزدەگەنىمىز – ءمۇيىز مونشاسى ەدى. «نۇربۇلاقتى» ءتۇۋ قيىردان بەتكە الاتىندار وسى مونشاعا كەلەدى. كۇندىز اۋىل شارۋاشىلىعى ءبولىمىنىڭ باستىعى راقىمعالي بايعاراەۆپەن اڭگىمەلەسكەنبىز. مارالىمەن ءمالىم مەكەننىڭ ءمان-جايىن ءتۇسىنىپ قالعاندايمىز.
جۋىردا جۋرناليستەر اۋىل شارۋاشىلىعى مينيسترىنەن: «مارالشىلارعا رەسپۋبليكالىق بيۋدجەتتەن قولداۋ بولا ما؟» دەپ سۇراعان. «ءبىز قازاقستاننىڭ حالقىن مارال ەتىمەن تويعىزا المايمىز», دەپ جاۋاپ قاتقان بولاتىن مينيستر. ونىڭ دا ءبىر ءجونى بار شىعار...
بۇگىندە كاتونقاراعاي اۋدانىندا 6 مىڭعا جۋىق مارال وسىرىلەدى. وبلىس بيۋدجەتىنەن مارال شارۋاشىلىعىنا سۋبسيديا بولىنە باستاعانىنا ءتورت جىل بولىپتى. جىل سايىن كاتونقاراعايلىقتار مارالعا 29-32 ملن. تەڭگە ارالىعىندا سۋبسيديا الىپ كەلەدى. ناتيجەسىندە, وڭىردە مارال باسىنىڭ تومەن قۇلدىراۋى توقتادى. كەڭەس وكىمەتى كەزىندە كاتوندا 20 مىڭنان استام مارال وسىرىلەتىن. مارال باسى كەمۋىنىڭ سەبەبى بار: جانۋاردى ەتكە سويما
