ماڭعىستاۋ وبلىسىنىڭ جەتىباي اۋىلىندا جانتۇرشىگەرلىك وقيعا بولدى. اپتالداي ازاماتتار كامەلەتكە تولماعان قىزدىڭ ارىن تاپتادى. بۇل تۋرالى «اكتاۋ-لادا» گازەتى جازادى.
15 ناۋرىزدان 16 ناۋرىزعا قاراعان ءتۇنى ءبىر توپ ەر ازامات دۇكەن جانىندا كەتىپ بارا جاتقان قىز بالانى ماشيناعا كۇشتەپ وتىرعىزادى. سويتەدى دە, اۋىل شەتىندەگى ەسكى ءۇيدىڭ ورنىنا اپارىپ زورلايدى. الدىن الا جۇرگىزىلگەن تەرگەۋ مالىمەتىندە 9 ادامنىڭ 7-ءنىڭ وسى ىسكە قاتىستىلىعى ايتىلعان. ءتىپتى ولار قىزدى ۇرىپ-سوعىپ قانا قويماي, تەمەكى شوعىن ونىڭ دەنەسىنە باسىپتى. ازعىنداردىڭ ەڭ ۇلكەنى 45 جاستا بولسا, ال كىشىسى 24 جاستا ەكەن.
جاقىندا وسى ىسكە بايلانىستى سوت ۇكىمى جاريا ەتىلدى. ولاردىڭ 2-ءى 17 جىلعا, 2-ءى 16 جىلعا, تاعى 2-ءى 14 جىلعا, كەلەسىسى 13 جىلعا باس بوستاندىعىنان ايرىلدى.
دانيار تۇيمەباي.
