تارتىپسىزدىك 25 جەلتوقسان اۋدان ورتالىعىنداعى «بەلىە روزى» مەيرامحاناسىندا بولعان. شەنەۋنىك تۇنگى ساعات 00.30 كەزىندە كوڭىل كوتەرۋ ورنىنا كەلگەن. بەينەجازبادا ونىڭ بەيتانىس ادامدارمەن سوزگە كەلىپ, سوڭى قول جۇمساۋعا جالعاسقانى بايقالادى.
- الەۋمەتتىك جەلىدە تالقىعا تۇسكەن بەينەجازباعا قاتىستى قىزمەتتىك تەكسەرۋ جۇرگىزىلۋدە. جامبىل اۋدانى اكىمى ورىنباسارىنىڭ تارتىبىنە قاتىستى شەشىم قابىلدانادى. ول كوڭىل كوتەرۋ ورنىنا جالعىز ءوزى بارعان. ال مەيرامحانادا مەملەكەتتىك قىزمەتشىلەر جاڭا جىلدىق باس قوسۋ وتكىزبەگەن. جالپى, اۋدان اكىمىنىڭ شەشىمىمەن ايماقتا مەملەكەتتىك قىزمەتشىلەرگە مەرەكەلىك كەش وتكىزۋگە تيىم سالىنعان, - دەدى وقيعاعا وراي تۇسىنىك بەرگەن الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.
