2017-2018 جىلدار ارالىعىندا «قازجولعزي» اق ءۇش جىلدىق باعدارلامانىڭ اياسىندا اقمولا, شىعىس قازاقستان, قاراعاندى, سولتۇستىك قازاقستان جانە قوستاناي وبلىستارىنداعى جولداردىڭ 5188 شاقىرىمىن دياگنوستيكادان وتكىزىپ, پاسپورتتاعان بولاتىن. قىرعىز رەسپۋبليكاسىنىڭ كولىك جانە جول مينيسترلىگى قىزمەتكەرلەرىنىڭ الماتىعا جاساعان جۇمىس ساپارى اياسىندا قازاقستاندىق جولشىلار ءوز تاجىريبەسىمەن قىرعىزستاندىق ارىپتەستەرىمەن ءبولىستى.
بۇگىنگى تاڭدا قىرعىزستان جالپى پايدالانىمداعى اۆتوموبيل جولدارىن دياگنوستيكادان وتكىزۋ جانە پاسپورتتاۋ, سونداي-اق جول اكتيۆتەرىن باسقارۋ جۇيەسىن ەنگىزۋ شارالارى جۇرگىزىپ جاتىر. ينستيتۋت قىزمەتكەرلەرى ارىپتەستەرىن جولداردى سەرتيفيكاتتاۋ مەن دياگنوستيكالاۋعا ارنالعان باعدارلامالىق قامتاماسىزداندىرىلعان جىلجىمالى جول زەرتحانالارىنىڭ جۇمىسىمەن تانىستىردى. كەشەننىڭ قۇرامىندا جول بەتكەيىنىڭ, جول جيەگىنىڭ جانە جولدىڭ ورنالاسۋ ەلەمەنتتەرىنىڭ اعىندى بەينەلەرىن تۇسىرۋگە ارنالعان بەينەكامەرالار, جولدىڭ ەگجەي-تەگجەيلى دياگنوستيكاسىن جۇرگىزۋگە مۇمكىندىك بەرەتىن باسقا دا جوعارى تەحنولوگيالىق زامانۋي جابدىق بار. كەزدەسۋ سوڭىندا تاراپتار الداعى ۋاقىتتا دا ىنتىماقتاستىقتا جۇمىس ىستەپ, ءوزارا تاجىريبە الماسۋلار جونىندە كەلىستى.
