مەرەيتويعا ەلىمىزدىڭ ءۇشىنشى مەگاپوليسىنەن دە ارنايى دەلەگاتسيا قۇتتىقتاپ كەلدى. شىمكەنتتىك دەلەگاتسيا قۇرامىندا ءماسليحات دەپۋتاتتارى, زيالى قاۋىم وكىلدەرى, ەڭبەك ارداگەرلەرى جانە باق وكىلدەرى بار.
80 جىلدىق مەرەيتوي اياسىندا كوپتەگەن ءىس-شارا وتپەك. بۇعان قوسا بىرقاتار مادەني-الەۋمەتتىك نىسانداردىڭ قۇرىلىسى اياقتالىپ, ەل يگىلىگىنە بەرىلەدى دەپ كۇتىلۋدە.
اتاپ ايتقاندا, تاراز قالاسىنان قازاقتىڭ تۇڭعىش كاسىبي رەجيسسەرى اسقار توقپانوۆ پەن تانىمال اقىن كەنەن ازىرباەۆتىڭ ەسكەرتكىشى, سونداي-اق اۋەندەر الەمى مەن داڭقتى سپورتشىلار الاڭدارىنىڭ اشىلۋى جوسپارلانۋدا. سونىمەن قاتار «تەكتۇرماس» ەتنوتاريحي كەشەنى اشىلادى.
وندا وبلىستىق تاريحي-ولكەتانۋ مۋزەيى, كورمە پاۆيلونى, امفيتەاتر, قولونەر شەبەرلەرىنىڭ گالەرەياسى, «رۋحانيات» ورتالىعىنىڭ جاڭا عيماراتى, كوركەمدىك-بەينەلەۋ ونەرى گالەرەياسى بار.
جامبىل وبلىسىنىڭ 80 جىلدىعىنا ارنالعان سالتاناتتى جيىن ساعات 17:00-دە وتەدى دەپ جوسپارلانۋدا.
ەستەرىڭىزگە سالا كەتەيىك, 1939 جىلى قازاندا اۋليەاتا وبلىسىنىڭ اتاۋى جامبىل وبلىسى بولىپ اۋىستىرىلدى. بۇل داتا جامبىل وبلىسىنىڭ قۇرىلعان كۇنى سانالادى.
