سالالىق كاسىپوداقتىڭ وبلىستىق فيليالىنىڭ توراعاسى سەرىك سۇلتانوۆ «دەنساۋلىق» جەكە كوممەرتسيالىق ەمەس مەكەمەسىنىڭ قىزمەتكەرلەرىنە جاڭا جىل قارساڭىندا توسىن سىي جاسادى.
سونداي قۋانىشقا يە بولعانداردىڭ بىرى–دارقان راقىمجانوۆ. ول دەنساۋلىق ساقتاۋ سالاسىندا ءتورت جىلعا جۋىق ەڭبەك ەتىپ كەلەدى. كۇنى بۇگىنگە دەيىن وتباسىمەن بىرگە پاتەر جالداپ تۇرادى. جان جارى بالا كۇتىمىنە بايلانىستى دەكرەتتىك دەمالىستا. بۇل وتباسىعا 1 ملن. 660 مىڭ تەڭگەنىڭ تۇرعىن ءۇي سەرتيفيكاتىن سالتاناتتى تۇردە تابىس ەتىلدى.
«Senim» دەنساۋلىق ساقتاۋ جۇيەسى قىزمەتكەرلەرىنىڭ سالالىق كاسىپوداعى مەديتسينا سالاسى ماماندارىن باسپانىمەن قامتىلۋىنا كومەكتەسۋ ماقساتىندا بانككە ءۇيدىڭ العاشقى 20 پايىز جارناسىن سالۋ ءۇشىن سەرتيفيكاتتار بەرۋ ءىسى بىلتىر قولعا الىنعانىن ەستىگەن ەدىم. بۇدان بولەك, جالعىزىلىكتى انالارعا, مۇگەدەك بالالاردى تاربيەلەپ وتىرعان ادامدارعا دا كومەكتەسەتىنى قۋانتادى», دەيدى «دەنساۋلىق» جەكە كوممەرتسيالىق ەمەس مەكەمەسىنىڭ ۋچاسكەلىك تەراپەۆت دارىگەرى د. راقىمجانوۆ..
وبلىستىق مەديتسينا قىزمەتكەرلەرى «Senim» كاسىپوداعى فيليالىنىڭ توراعاسى سەرىك سۇلتانوۆتىڭ ايتۋىنشا, سالالىق كاسىپوداق ۇيىمىنا 216 مىڭ ادام تىركەلسە, جەتى جارىم مىڭى– سولتۇستىكقازاقستاندىقتار. بۇعان دەيىن وبلىستىق كارديوورتالىقتىڭ قىزمەتكەرىنە ءبىر جارىم ميلليون تەڭگەنىڭ سەرتيفيكاتى بەرىلىپتى. سونىمەن قاتار مەديتسينا ماماندارىنا 250 مىڭ جانە 500 مىڭ تەڭگە كولەمىندە قايىرىمدىلىق سەرتيفيكاتتارى تاپسىرىلىپتى.
