فيلم اۆتورلارى Matchtv.ru تەلەارناسىنىڭ شولۋشىسى, الماتىلىق كونستانتين ستولبوۆسكي, قازاقستاندىق سپورت ءجۋرناليسى سەرگەي رايليان. ءفيلمنىڭ رەجيسسەرى ماكسيم وتكيداچ.
دەنيس تەن تۋرالى رەسەيدىڭ ەڭبەك سىڭىرگەن سپورت شەبەرى الەكسەي ياگۋدين, قازاقستاننىڭ ەڭبەك سىڭىرگەن سپورت شەبەرى يليا يلين, دەنيستىڭ تۇڭعىش جاتتىقتىرۋشىسى ايگۇل قۋانىشەۆا, رەسەيدىڭ ەڭبەك سىڭىرگەن جاتتىقتىرۋشىسى ەلەنا ۆودورەزوۆا, قازاقستاننىڭ حالىق ءارتىسى روزا رىمباەۆا, قوعام قايراتكەرى جاننا سپۋنەر جانە باسقالار وسىناۋ فيلمدە ەستەلىك ايتقان.
ايتا كەتەيىك, دەنيس تەن 1993 جىلى 13 ماۋسىمدا الماتى قالاسىندا دۇنيەگە كەلگەن. قازاق تۋريزم جانە سپورت اكادەمياسىن ۇزدىك بىتىرگەن. قازاق-بريتان تەحنيكالىق ۋنيۆەرسيتەتىنىڭ ماگيستراتۋراسىن تامامداعان.
داڭقتى سپورتشى ازيا ويىندارىنىڭ (2011), ۋنيۆەرسيادانىڭ (2017), ءتورت قۇرلىق چەمپيوناتىنىڭ (2015) التىن جۇلدەگەرى. ول 2014 جىلى سوچي وليمپياداسىنىڭ قولا جۇلدەسىن جەڭىپ العان. سونداي-اق 2013 جىلى الەم چەمپيوناتىنىڭ كۇمىس جانە2015جىلى الەم چەمپيوناتىنىڭ قولا جۇلدەگەرى اتانعان.
