№8 ەنەرگوبلوك كۇردەلى جوندەۋدەن ءوتتى

ايماقتار • 21 جەلتوقسان، 2019

№8 ەنەرگوبلوك كۇردەلى جوندەۋدەن ءوتتى

19 رەت كورسەتىلدى

ەۋرازيالىق توپ (ERG) قۇرامىنداعى«ەۋروازياتتىق ەنەرگەتيكالىق كورپوراتسياسى» اق ەلەكتر ستانساسىنداعى قۋاتى 300 مۆت №8 ەنەرگوبلوگىن كۇردەلى جوندەۋ جۇمىستارىن «ERG Service» اق جۇرگىزدى.

فاريدا بىقاي

ماماندار №8 ەنەرگوبلوكتاعى تۋربينا مويىنتىرەكتەرىن، وتتىقتاردى، قوسالقى تۋربينالىق جانە قازاندىق جابدىقتارىن، شاڭ وتكىزگىشتەردى، تۋربواگرەگات پەن قازاندىق اگرەگاتىنىڭ اينالدىرا قاپتاۋىن، قازاندىق اگرەگاتىنىڭ قىزۋ بەتىن الماستىردى.

–جوندەۋ جۇمىستارى مەرزىمىنەن بۇرىن اياقتالدى،-دەيءدى «ERG Service» اق ءوندىرىس جونىندەگى ديرەكتورى يليا تيۋلپين. ەنەرگوبلوكتى جوندەۋ كەزىندە باس مەردىگەر «ERG Service» اق ماماندارى ەڭ جوعارى جىلۋ سىيىمدىلىعى ايماعىندا جۇمىس جاسادى.

ال، ستانسادا ەنەرگوبلوكتار جىل سايىن جوندەلەدى. جازدا «ەەك» اق توقتاتىلعان جابدىقتارىندا جوندەۋ جۇمىستارىن جۇرگىزۋ مۇمكىندىگىن قامتاماسىز ەتۋ ءۇشىن جۇمىس جۇكتەمەسىن جوسپارلى تۇردە تومەندەتەدى. بۇل تۇتىنۋشىلاردى ەنەرگيامەن قامتاماسىز ەتۋگە اسەر ەتپەيدى.

– №8 ەنەرگوبلوكتى جوندەۋ-قازاندىقتاردىڭ جوسپاردان تىس توقتاپ قالۋىن قىسقارتۋعا مۇمكىندىك بەرەدى. ەندى ەلەكتر قۋاتىن تۇراقتى، ءارىودان دا كوپ مەگاۆاتت كولەمىندە وندىرە الامىز،–دەيءدى «ەەك» اق مەنەدجەرى د. ساۆيتسكي.

«ەۋروازياتتىق ەنەرگەتيكالىق كورپوراتسياسى» اق (ەەك) ەۋرازيالىق توپ (ERG) قۇرامىنداعى ەلىمىزدەگى ءىرى ەلەكتر ەنەرگياسى مەن كومىر وندىرۋشىلەردىڭ ءبىرى. ەلىمىزدەگى ەلەكتر قۋاتىنىڭ 17 پايىزىن، كومىردىڭ 20 پايىزى كاسىپورىن وندىرەدى. ەلەكتر ەنەرگياسىن ءوندىرۋدىڭ جىلدىق قۋاتى – 16 ملرد كۆت*س.

كورپوراتسيا قۇرامىن اق اقسۋ ەلەكتر ستانساسى مەن «شىعىس» كومىر كەنىشىن بىرىكتىرەدى.

2001 جىلدان بەرى ەلەكتر ستانساسىنداعى ەنەرگوبلوكتاردى جاڭعىرتۋدا. بۇگىندە ستانسادا ورناتىلعان قۋاتى-2 450 مۆت بولسا، №5 ەنەرگوبلوكتى پايدالانۋعا بەرگەننەن كەيىن 2 475 مۆت-قا جەتپەك.

قازىر كومپانيا 1973 جىلدان باستاپ پايدالانۋدا تۇرعان اقسۋ ەلەكتر ستانساسىنىڭ №5 ەنەرگوبلوگىن قايتا قۇرۋ ءۇشىن جوبانى ىسكە اسىرۋدا.

بۇل ەنەرگيا ورتالىعىنىڭ قۋاتىن 300-دەن 325 مۆت-قا دەيىن ارتتىرۋعا، وتىن شىعىنىن ازايتۋعا، پايدالانۋ شىعىندارىن قىسقارتۋعا، سونداي-اق ەلەكتر ستانتسياسى جۇمىسىنىڭ تەحنيكالىق-ەكونوميكالىق، ەكولوگيالىق جانە ساپالىق كورسەتكىشتەرىن جاقسارتۋعا مۇمكىندىك بەرەدى.

بۇگىندە ىسكە قوسۋ-جوندەۋ جۇمىستارىنىڭ سوڭعى كەزەڭىنە جاقىندادى. تۋربينا مينۋتىنا 3 000 اينالىم بەرەدى، گەنەراتور جەلىگە قوسىلىپ، 150 مۆت ەلەكتر ەنەرگياسىن وندىرەدى.

سونداي-اق، №7 ەنەرگوبلوكتى قايتا قۇرۋ الدىندا جابدىقتى بولشەكتەۋ جۇمىستارى باستالدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز