«تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ پەن مەملەكەت باسشىسى قاسىم-جومارت كەمەل ۇلى توقاەۆ ازاماتتارىمىزدىڭ تۇرمىس ساپاسىن جاقسارتۋ جانە ءال-اۋقاتىن ارتتىرۋ مىندەتىن قويدى. ونىڭ شەشىمى “100 ناقتى قادام” ۇلت جوسپارىنىڭ ساپالى ورىندالۋىنا دا بايلانىستى», — دەدى ا. مامين.
بۇگىندە ۇلت جوسپارىنىڭ 100 قادامىنىڭ 59 قادامى ورىندالىپ, باقىلاۋدان الىندى, 3 قادامى «رۋحاني جاڭعىرۋ» باعدارلاماسى اياسىندا ىسكە اسىرىلىپ جاتىر جانە ونى قوعامدىق سانانى جاڭعىرتۋ جونىندەگى ۇلتتىق كوميسسيا باقىلايدى.
قالعان 38 قادامنىڭ ىسكە اسىرىلۋ بارىسى تۋرالى ۇلتتىق ەكونوميكا ءمينيسترى ر. دالەنوۆ, اۋىل شارۋاشىلىعى ءمينيسترى س. وماروۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, سىرتقى ىستەر ءمينيسترى م. تىلەۋبەردى, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ, دەنساۋلىق ساقتاۋ ءمينيسترى ە. ءبىرتانوۆ جانە باسقا دا جاۋاپتى تۇلعالار باياندادى.
الەم نارىقتارىنا شىعۋدى قامتاماسىز ەتۋ, جەكەمەنشىك مەديتسينانى دامىتۋ جانە ت. ب. ماقساتتاردا تۋريستىك سالاعا ستراتەگيالىق ينۆەستورلاردى تارتۋ, جول-كولىك ينفراقۇرىلىمىن كۇتىپ ۇستاۋ جانە دامىتۋ ءۇشىن ءبىر وپەراتور تارتۋ, وڭدەۋ سەكتورىنا تۇك تارتۋ بويىنشا قادامداردى ىسكە اسىرۋ قارقىنىن ارتتىرۋ قاجەتتىگىنە ەرەكشە نازار اۋدارىلدى.
ۇكىمەت باسشىسى ۇلت جوسپارىن تولىققاندى ءارى ساپالى ىسكە اسىرۋ بويىنشا بەلسەندى جۇمىستاردى جالعاستىرۋدى تاپسىردى.
