-تەكسەرىس جۇمىستارى بارىسىندا بارلىعى 17 بالىق تابىلدى. ونىڭ ىشىندە 15 قىلىشبالىق, ءبىر تابان جانە ءبىر موڭكە انىقتالعان. بالىق ولىمىنە سەبەپ - جايىق وزەنىنىڭ بويىندا ءاموز-ءدىڭ سۋ توعانىندا 50 شارشى مەترلىك ايماقتا براكونەرلىك بالىق اۋلاۋ قۇرالدارى بولۋى مۇمكىن. ويتكەنى, ۇستالعان بالىقتاردا مەحانيكالىق زاقىم بايقالعان.
بارلىق جينالعان بالىق ساراپتاماعا جىبەرىلگەن. اتىراۋ وبلىسىنىڭ ەكولوگيا دەپارتامەنتى, «قازگيدرومەدتسەنتر» اق اتىراۋ فيليالى جانە اتىراۋ وبلىسى بويىنشا تاۋارلار مەن قىزمەتتەردىڭ ساپاسىن باقىلاۋ جانە قاۋىپسىزدىگى دەپارتامەنتى باستاعان جۇمىسشى توپ وسى ايماقتا كۇن سايىن, حيميالىق ءاناليزى ءۇشىن سۋدىڭ سىناماسىن الادى.
-19 جەلتوقسانعا دەيىن زياندى زاتتار ءۇشىن شرك- دەن اسۋ تىركەلمەگەن. 18, 19 جانە 20 جەلتوقسانداعى سۋ سىنامالارىن زەرتتەۋ ناتيجەلەرى 3 كۇندە دايىن بولادى, دەدى اتىراۋ وبلىسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگى دەپارتامەنتى باسشىسىنىڭ مىندەتىن اتقارۋشى امانتاي جۇماعاليەۆ.
