اڭگىمە بارىسىندا ەرلان قۋانىش ۇلى شىمكەنت قالاسىنىڭ ەكونوميكالىق دامۋى مەن ينۆەستيتسيالىق الەۋەتى تۋرالى مالىمدەدى.
«وزىڭىزگە ءمالىم, مەملەكەت باسشىسى قاسىم-جومارت توقاەۆ پەكيندە وتكەن قازاقستان-قىتاي ىسكەرلىك كەڭەسىنىڭ التىنشى وتىرىسىنىڭ اشىلۋىندا قىتاي قازاقستاننىڭ ەڭ ءىرى سىرتقى ساۋدا جانە ەكونوميكالىق ارىپتەستەرىنىڭ ءبىرى ەكەندىگىن ايتقان بولاتىن. وسى باعىتتاعى جۇمىستاردى جانداندىرۋ ءۇشىن ءوندىرىسى مەن ينفراقۇرىلىمى دامىپ كەلە جاتقان مەگاپوليسكە شەتەلدىك ينۆەستورلاردى شاقىرامىن. سەبەبى, ۇلى جىبەك جولىنىڭ بويىندا ورنالاسقان ءىرى ترانزيتتىك دالىزدەرى بار شىمكەنتتە ينۆەستورلار ءۇشىن قولايلى جاعداي جاسالعان. سوندىقتان ءبىز ءتۇرلى باعىتتا ارىپتەستىك ورناتۋعا نيەتتىمىز جانە دايىنبىز», دەدى قالا اكىمى.
ءوز كەزەگىندە ەلشى چجان سياو ەلباسى نۇرسۇلتان نازارباەۆتىڭ ەكى مەملەكەتتىڭ دوستىق قارىم-قاتىناسىن نىعايتۋعا قوسقان زور ۇلەسى مەن ۇلگىلى سارا جولىن ءارى قاراي جالعاستىرۋ قاجەت ەكەنىن جەتكىزدى. سونداي-اق, ەلشى ينۆەستورلارعا قاتىستى ايتىلعان پىكىرمەن كەلىسەتىندىگىن جانە وسى باعىتتا جۇمىستار اتقارىلاتىندىعىن ايتتى.
جيىن سوڭىندا قالا باسشىسى بۇل كەزدەسۋ ەكىجاقتى مادەني, ءبىلىم, الەۋمەتتىك ەكونوميكالىق سالانىڭ دامۋىنا سەپتىگىن تيگىزەرىنە سەنىم ءبىلدىردى.
