جوبانىڭ ماقساتى قاسيەتتى دە كيەلى قازاق ەلىنىڭ تامىرى تەرەڭگە جايىلعان تاريحىن, ونەگە تۇنعان سالت-ءداستۇرىن, ساۋلەتى مەن داۋلەتى كۇن ساناپ دامىپ كەلە جاتقان ەلورداسىن دۇنيەجۇزىنە تانىستىرۋ.
سونداي-اق جىگەرلى جاستاردىڭ باس قوسۋى ارقىلى جاھاندىق ماسەلەلەر جاي-كۇيىن شەشۋگە ۇندەۋ جاساۋ, ناتيجەلى قايىرىمدىلىق شارالارىن جۇزەگە اسىرۋ, يگى شارالاردىڭ سانىن ارتتىرۋ كوزدەلىپ وتىر. ەلوردا جاستارى مەن الەم جاستارى كوپشىلىك نازارىنا «پولونەزادان» باستاپ, «جاستار ۆالسىنە» دەيىن بارلىق بي تۇرلەرىن ۇسىناتىن بولادى. ءار ءتۇرلى سالا ماماندارى دارىگەرلەر, مۇعالىمدەر مەن مەملەكەتتىك قىزمەتكەرلەر, جۋرناليستەر, ءوندىرىستىڭ قىزمەتكەرلەرى جانە ت.ب قۇرالعان ەلوردالىق جاستار ءبىر اي كولەمىندە ءتۇرلى قايىرىمدىلىق جۇمىستارىمەن اينالىستى. ولار قارتتار ءۇيى مەن بالالار ۇيىندە رۋحاني كەش ۇيىمداستىرىپ, «جۇرەكتەن جۇرەككە» اكتسياسى اياسىندا الەۋمەتتىك جاعدايى تومەن 100 وتباسىعا ماتەريالدىق كومەك كورسەتتى.
بيىل نۇر-سۇلتان قالاسى جاستارىمەن بىرگە بالدىڭ حالىقارالىق دەڭگەيىن ايقىندايتىن رەسەي, قىتاي, نيگەريا, تاجىكستان, وزبەكستان, قىرعىزستان, ۋكراينا, يندونەزيا, ۆەنەسۋەلا ەلدەرىنەن دەبيۋتانتتار قاتىسادى دەپ كۇتىلۋدە.
سونىمەن قاتار «ONE WORLD – ONE LIFE» جوباسى ەلىمىزدىڭ تانىمال, مادەنيەت جانە قوعام قايراتكەرلەرىنىڭ قاتىسۋىمەن وتەدى. كەشتە دەبيۋتاناتتارمەن بىرگە وتاندىق جانە حالىقارالىق تانىمال جۇلدىزدار ونەر كورسەتەتىن بولادى.
