دەلەگاتسيا باعدارلاماسى اياسىندا «تۇركى الەمىندەگى پارلامەنتتىك ديپلوماتيا: بەيبىتشىلىك پەن قاۋىپسىزدىك مۇددەسىندەگى وڭىرلىك ىنتىماقتاستىقتى نىعايتۋ» تاقىرىبىندا پلەنارلىق وتىرىس ءوتىپ, وندا ءماجىلىس سپيكەرى نۇرلان نىعماتۋلين ءسوز سويلەيدى دەپ جوسپارلانعان.
سونداي-اق ەكونوميكالىق ىنتىماقتاستىق, الەۋمەتتىك, مادەني جانە گۋمانيتارلىق تاقىرىپتارمەن, قورشاعان ورتانى قورعاۋ جانە جانە تابيعي رەسۋرستاردى پايدالانۋ,سونىمەن بىرگە, حالىقارالىق قاتىناستار جانە زاڭنامالىق ماسەلەلەرمەن اينالىساتىن تۇركپا تۇراقتى كوميتەتتەرىنىڭ ۇسىنىمدارى تالقىلاناتىن بولادى.
سونداي-اق پارلامەنت وكىلدەرى تۇركى الەمىنىڭ ماتەريالدىق ەمەس مادەني مۇرالارىن قورعاۋ تۋرالى مودەلدىك زاڭدار جوباسىن قاراستىرىپ, تۋريزم ماسەلەسىنە باسا نازار اۋداراتىن بولادى. قول جەتكىزىلگەن كەلىسىمدەر مەن شەشىمدەر باكۋ دەكلاراتسياسىندا كورسەتىلەتىن بولادى.
ءماجىلىس توراعاسى نۇرلان نىعماتۋلين شەتەلدىك ارىپتەستەرىمەن بىرقاتار ەكىجاقتى كەزدەسۋلەر وتكىزەدى دەپ كۇتىلۋدە.
