وتكەن عاسىر باسىندا ازاتتىق ءۇشىن باسىن بايگەگە تىككەن ۇلتشىل تۇلعالاردىڭ العى شەبىندە بولعان سماعۇل سادۋاقاسوۆتىڭ ەڭ اۋەلى, بيىل 100 جىلدىق مەرەيتويىن اتاپ ءوتىپ جاتقان «ەگەمەن» ءۇشىن دە ەرەكشە ورنى بار. سەبەبى الاش ارىسى 1921 جىلدىڭ قاڭتار ايىنان باستاپ «ەڭبەكشىل قازاق» گازەتىن از ۋاقىت باسقارسا, ەكىنشى رەت 1925 جىلدىڭ مامىر ايىندا باسىلىم رەداكتورلىعىنا تاعايىندالىپ, رەسپۋبليكانىڭ بۇرىنعى استاناسى ورىنبوردان جاڭا ورتالىق قىزىلورداعا گازەتتى بۇيدالاپ جەتكىزگەن ەكەن.
جارىقتىق, ناعىز تولىسقان شاعىندا, بار-جوعى 33 جاسىندا ماسكەۋ-دونباسس تەمىر جول قۇرىلىسىندا اپاتتان قايتىس بولىپ, ورتەلگەن سۇيەگى دون قابiرستانىندا توپىراققا كومiلمەي, قۇمىرا iشiندە ساقتالىپ كەلگەن ەدi. ارادا 78 جىل وتكەندە, ياعني 2011 جىلدىڭ قاڭتار ايىندا مارقۇمنىڭ ك ۇلى تۋعان توپىراعىنا جەتكىزىلىپ, ەلوردانىڭ ەسكى قورىمىنا جەرلەنگەن بولاتىن.
الاش ارىسىنىڭ باسىنا تاعزىم ەتۋگە جينالعان زيالىلار اراسىنان العاشقى بولىپ ءسوز العان تاريح عىلىمدارىنىڭ دوكتورى, اكادەميك مامبەت قويگەلديەۆ: «سماعۇل – حح عاسىردىڭ العاشقى شيرەگىندەگى كۇردەلى كەزەڭنىڭ ۇلى تۇلعاسى. ونىڭ يدەياسى, ۇستانىمى بولاشاققا ۇلگى. ول ەڭ اۋەلى, سول تۇستا جاڭادان بەكىپ كەلە جاتقان توتاليتارلىق جۇيەگە اشىق قارسى شىقتى. ەگەر ونىڭ يدەياسى جەڭىسكە جەتكەندە وتىزىنشى جىلدارداعى قىرعىن بولمايتىن ەدى. بولاشاقتا زيالىلار تاراپىنان سولتۇستىك قازاقستان وبلىسى اۋماعىندا ءبىر اۋدانعا كورنەكتى قايراتكەردىڭ ەسىمىن بەرسەك دەگەن ۇسىنىس كوتەرىلۋدە. سونداي-اق نۇر-سۇلتان قالاسىنداعى №78 ورتا مەكتەپكە سماعۇلدىڭ ەسىمى بەرىلمەك. ونىڭ ارتىندا قالعان مۇراسى وتە قۇندى. ەل ونى ءبىلۋى كەرەك», دەدى تانىمال تاريحشى.
سونىمەن قاتار تاعزىم كەزىندە فيلولوگيا عىلىمدارىنىڭ دوكتورى, پروفەسسور سەرىك نەگيموۆ, قوعام قايراتكەرى, رەسپۋبليكالىق «قاھارماندار» رەسپۋبليكالىق قوعامدىق قورىنىڭ توراعاسى سابىر قاسىموۆ, سماعۇلتانۋشى-اكادەميك, رەسەي ەلىنەن مارقۇمىنىڭ ك ۇلىن تۋعان توپىراعىنا جەتكىزگەن ازامات ديحان قامزابەك ۇلى قاتارلى عالىمدار ءسوز سويلەپ, الاش ارىسىنىڭ سان قىرلى بولمىسى جايلى باياندادى.
