اتالعان دەپارتامەنت ەلىمىزدەگى قۇقىق قورعاۋ قىزمەتتەرىنىڭ ىشىندەگى ەڭ العاشقى بولىپ تولىعىمەن Open space فورماتىنا كوشكەن ورگان. ەڭ ماڭىزدىسى, دەپارتامەنتتىڭ جەكە قۇرامى تولىقتاي اينەك كابينەتتەرگە كوشكەن.
جۇمىستىڭ جاڭا فورماتىنىڭ تانىستىرىلىمىنا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ پەن ەلوردا اكىمى التاي كولگىنوۆ قاتىستى.
شارا بارىسىندا سەرۆيستىك ورتالىقتىڭ عيماراتى, ارنايى كونسۋلتاتسيالى-كەڭەس بەرۋ بولمەلەرى, «استانا – ادالدىق الاڭى» جوبالىق كەڭسەسىنىڭ بولمەسى, ءباسپاسوز ورتالىعى كورسەتىلدى.
«استانا – ادالدىق الاڭى» جوباسىنىڭ مەنەدجەرى ش.يسمايلوۆ سىبايلاس جەمقورلىققا قارسى قىزمەتتىڭ سەرۆيستىك ورتالىعىندا جوبانىڭ تىكەلەي ەفيرىنىڭ كابينەت-ستۋدياسىن اشقانىن, ەندى بارلىق ءىس-شارالار ينتەرنەت پايدالانۋشىلارىنا تەز ءارى ساپالى تۇردە تاراتىلاتىنىن ايتتى.
نۇر-سۇلتان قالالىق دەپارتامەنت باسشىسىنىڭ ءبىرىنشى ورىنباسارى جازيرا جىلقىشيەۆا اتاپ وتكەندەي, Open Space تەحنولوگياسىن قولدانۋ مەملەكەتتىك ورگانداردىڭ ازاماتتار ءۇشىن اشىقتىعىنا, جاريالىلىعىنا جانە قول جەتىمدىلىگىنە تاعى ءبىر قادام بولىپ تابىلادى.
ەلوردالىق ارنايى مونيتورينگتىك توپتىڭ مۇشەسى مارات ساتارقۇلوۆ ءىس جۇزىندە «اشىق بيۋدجەتتەردىڭ ينتەراكتيۆتى كارتاسىنىڭ» ارتىقشىلىعىن جانە بيۋدجەت قاراجاتىنىڭ جۇمسالۋىن قوعامدىق باقىلاۋ مۇمكىندىگىن كورسەتتى. سونداي-اق مونيتورينگ بارىسىندا انىقتالعان كەمشىلىكتەردى جويۋ بويىنشا ناقتى مىسالدار كەلتىردى.
ءوز كەزەگىندە اليك شپەكباەۆ: «ANTIKOR ORTALYǴY» ازاماتتاردىڭ ءار سۇراعىنا جايلى, جەدەل ءارى تياناقتى جاۋاپ الاتىن ورتالىعىنا اينالماق. بۇگىندە قازاقستاندا 5 سەرۆيس ورتالىعى اشىلدى, ولار اشىقتىق پەن سەرۆيستىڭ ۆەدومستۆولىق ساياساتىن كورسەتەدى», دەدى.
