ۇزاقتىعى 3 ساعاتتىق كۇندەلىكتى رەيستەر ن.نازارباەۆ ايلاعىنان جۋكوۆسكي حالىقارالىق اۋەجايىنا ورىندالادى. 180 ورىندى لاينەرلەر نۇر-سۇلتاننان ساعات 22:10-دا ۇشىپ, ماسكەۋگە سول كۇنى 22.40-تا قونادى. كەرى قاراي رەيس ۋاقىتىنىڭ ارالىعى: ساعات — 23:25 جانە 05:35.
ماسكەۋ – تمد ەلدەرى اراسىنداعى تاريحي, تۋريستتىك ءارى ىسكەري ماڭىزى زور حالىقارالىق ورتالىق بولىپ ەسەپتەلەدى. جۋكوۆسكي اۋەجايى رەسەي استاناسىنىڭ قارقىندى دامىپ كەلە جاتقان اۋەايلاعى ەكەنى ءسوزسىز. بىلتىردىڭ وزىندە اۋەجاي قىزمەتىن 1 ميلليوننان اسا ادام قولدانىپ, جولاۋشىلار سانى 173% وسكەنىن اتاپ كەتكەن ءجون. FlyArystan-نىڭ وپەراتسيالىق قىزمەتى جۇزەگە اسىرالا باستالعاننان بەرى قازاقستان قالالارىنىڭ اۋەايلاقتارىندا جولاۋشىلار سانى ورتاشا ەسەپپەن 30-35% ارتقان.
ايتا كەتەيىك, نۇر-سۇلتاننان ورىندالاتىن ساپارلار قۇنى 19 999 تەڭگەدەن باستالادى. اۋە كومپانيادا بۇل باعا قازىرگى نارىقتىق باعادان 60% تومەن ەكەنىن اتاپ ءوتتى. ماسكەۋدەن شىعاتىن جولاۋشىلار بيلەتتى 3333 رۋبلدەن باستاپ ساتىپ الادى.
