قازاق تاريحىن, ۇلتتىق سالت-داستۇرلەردى, تاريحي-مادەني ساباقتاستىقتى دارىپتەۋدى ماقسات تۇتقان باسقوسۋدى قىزدار ۋنيۆەرسيتەتىنىڭ عىلىمي جۇمىستار جانە يننوۆاتسيا جونىندەگى پرورەكتورى نۇرعالي ارشابەكوۆ اشىپ, رەكتور گاۋحار الدامبەرگەنوۆانىڭ كونفەرەنتسيا قاتىسۋشىلارىنا جولداعان قۇتتىقتاۋ حاتىن وقىپ بەردى.
ونلاين جەلىسىندە وتكەن جيىنعا, عالىمدار, عىلىمي-زەرتتەۋ ينستيتۋتتارىنىڭ وكىلدەرى, پروفەسسورلار الەم تاريحىنىڭ ورتاعاسىرلىق كەزەڭىندەگى ساياسي, تاريحي, مادەني جانە گەوگرافيالىق جاعدايلارعا قاتىستى زەرتەۋلەرىمەن ءبولىستى. تاريح عىلىمدارىنىڭ دوكتورى, پروفەسسور بەرەكەت كارىباەۆ قازاقستان اۋماعىنداعى بىرنەشە مىڭجىلدىق تاريحي جانە مەملەكەتتىلىكتىڭ دامۋدىڭ كەيىنگى ورتا عاسىرلارداعى كورىنىسى بولعان قازاق حاندىعىنىڭ قۇرىلۋىمەن «قازاق» ەتنوسى دا ومىرگە كەلدى. قازاق حاندىعى ءوزى ءومىر سۇرگەن ءداۋىردىڭ العاشقى كەزەڭدەرىندە ەتنوستىڭ ەتنيكالىق اۋماعىن قالىپتاستىردى جانە كەيىنگى كەزەڭدەردە ونى ساقتاي ءبىلدى. وسى جولدا مەملەكەتتىڭ تىزگىنىن ۇستاعان حاندار وزدەرىنىڭ جەكە باستارىنداعى ەرەكشە قاسيەتتەرى مەن قابىلەتتەرى ارقاسىندا ءارتۇرلى قيىنشىلىقتارعا قاراماستان قيىننان جول تاۋىپ, قازاق ەلى مەن حالقىن جاڭا زاماننىڭ تابالدىرىعىنا دەيىن جەتكىزدى, دەپ اتاپ وتسە – دەدى ءوز سوزىندە. ش.ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ ورىنباسارى اۋەزحان شاشاەۆ « ۇلى دالانىڭ ۇلى ەسىمدەرى» مۋلتيمەديالىق ۆەب-پورتالىمەن تانىستىردى. تاريحشىنىڭ پىكىرىنشە, ەلباسىنىڭ « ۇلى دالانىڭ جەتى قىرى» ماقالاسىندا ۇلتتىق تاريحىمىزدى زەرتتەۋگە زور سەرپىن بەرىلگەن. ماسەلەن, ارحەوگرافيالىق ەكسپەديتسيا ومبىدان ءۇش جارىم مىڭنان استام تىڭ دەرەكتەردى ەلگە اكەلگەن. 1934 جىلى «قۇپيا ساقتالسىن» دەپ ءمور باسىلعان قۇجاتتار قازاق ەلىنىڭ XVII-XIX عاسىرداعى ومىرىنەن جانە ابىلاي حاندىعى تۋرالى مالىمەتتەر بەرەدى. قازاق, اعىلشىن جانە ورىس تىلىندە جاريالاناتىن مۋلتيمەديالىق پورتالعا ازىرگە 100 تۇلعانىڭ ەسىمى ەنگىزىلەدى. پورتال اۋەلى تاريح جانە ەتنولوگيا ينستيتۋتىنىڭ سايتىندا, كەيىننەن جەكە پورتال بولىپ اشىلىپ, قازاق تاريحىندا ەرەكشە ورنى بار تۇلعالار تۋرالى دەرەكتەرمەن تولىقتىرىلاتىن بولادى.
كونفەرەنتسيا بارىسىندا «ۆايناح» اسسوتسياتسياسىنىڭ توراعاسى ابۋ-كاسيم حاجاليەۆ, موڭعوليا ۋنيۆەرسيتەتىنىڭ PhD دوكتورانتى ۋرۋگمىل جانە تاريح عىلىمدارىنىڭ كانديداتى ەرداۋلەت بەرلىباەۆ ءسوز سويلەپ, قازاق تاريحى تۋرالى تىڭ دەرەكتەرىمەن ءبولىستى.
