رۋحانيات • 13 جەلتوقسان، 2019

سۇيىسپەنشىلىكتىڭ اناسى – ىقىلاس

180 رەت كورسەتىلدى

سۇيىسپەنشىلىك كۇللى جاراتى­لىس اتاۋلىنىڭ – سەبەپكەرى. ويت­كەنى، اللا ادامدى اباي اتامىز ايت­­­قانداي سۇيىسپەنشىلىكپەن جارات­قان. سوندىقتان دا سۇيىسپەنشىلىك ۇيالا­عان قوعام، وتباسى تىنىشتىق پەن بەرەكەنىڭ باستاۋى. «وتباسى نە­مەسە شاڭىراق سۇيىسپەنشىلىككە تولى بولسا – ىزگىلىكتىڭ كوركەم سا­راي­لارىنىڭ ءبىرى، ال بەرەكەسىز بولسا – ازاپتىڭ تەرەڭ شۇڭقىرلارىنىڭ ءبىرى» دەپ، جازادى مىسىرلىق تانىمال وقىمىستى اتا ءاس-سىنباتي.

دەمەك، شاڭىراقتى ىزگىلىك سارايىنا اينالدىراتىن امال، ول – وت­با­سىلىق سۇيىسپەنشىلىك. ال، ازاپ شۇڭ­قىرىنا تۇسىرتەتىن ءىس، ول – وتباسى مۇ­­شەلەرى ءبىرىن-ءبىرى جەككورۋشىلىك. سۇيىس­­پەنشىلىكتىڭ وتىنا جىلىنىپ وسكەن ۇرپاق ومىردە مەيىرىمدى، قا­يى­رىم­دى، سىپايى، شىنايى بولادى. سول سەبەپتى، سۇيىسپەنشىلىك دەگەنىمىز – تەك وتباسىنىڭ عانا ەمەس، اۋلەتتىڭ، تۇقىم-جۇراعاتتىڭ مۇراتى. ونداي اۋلەت جۇز­دەگەن جىلدار وتسە دە قۇرىمايدى، ءوسىپ-وركەندەيدى، ءتالىمدى-ءتارتىپتى بالا-شا­عا وسىرەدى. ول بالالار ۇلىستىڭ تىرەگىنە اينالادى.

ەگەر اۋلەتىم ءوسسىن، تۇقىمىم قۇ­رىماسىن، شاڭىراعىم شىرىمەسىن دەسەڭىز – ءۇي ىشىڭىزدە سۇيىسپەنشىلىك ورناتىڭىز. وتباسىنداعى سۇيىسپەن­شىلىك شارتسىز بولۋى كەرەك. «وسىلاي ىستەسەڭ سەنى سۇيەمىن، ويتپەسەڭ سۇي­مەيمىن» دەۋ شارتتى سۇيىسپەنشىلىك بەلگىسى. بۇل باياندى، بەرەكەلى بولمايدى. ىقىلاسقا ەمەس، ەسەپكە قۇرىل­عان­دىقتان ءبىر كۇنى ءبىر جەردەن جارىلادى. ويتكەنى ادامنىڭ بولمىس-ءبىتىمى مەن جاراتىلىسىندا تاعدىردىڭ ۇلە­سى بار. ال تاعدىردىڭ يەسى – اللا. اقىلدى ادام ءوز تاعدىرىنىڭ بولمىسىن باعالاي وتىرىپ، كەيبىر كەلەڭسىز وقيعاعا تاپ كەلسە، وعان كونە وتىرىپ، سابىرلىقپەن سۇيىسپەنشىلىك تانىتۋى كەرەك. قاسيەتتى كىتاپتا: «را­سىندا، جاق­سى كورگەندەرىڭدى دۇرىس جولعا سالا المايسىڭ. بىراق اللا كىمدى قالاسا ونى تۋرا جولعا سالادى» دەيتىن اشىق ماعىنالى ايات بار. وسى اياتقا ءتاپسىر جاساعان عالىمدار بىرەۋدى جاقسى كورۋ ءۇشىن ودان تەك جاقسىلىق تالاپ ەتۋ دۇرىس ەمەس ەكەنىن ايتادى.

ال ەرلى-زايىپتىلار اراسىنداعى سۇيىسپەنشىلىكتىڭ بەلگىسىن، ارالارىن­دا قىزعانىش بار ما، جوق پا، سودان باي­قاۋعا بولادى. بىراق تا نادان قىز­عانىشتان سۇيىسپەنشىلىك ىز­دەۋگە بولمايدى. قىزعانىش شەكتەن شىقسا، جيىركەنىشكە ۇلاسادى. كەيدە سۇيىسپەنشىلىكتىڭ ءوزى قىزعانىشقا ۇلاسىپ كەتەتىن جاعدايلار بار. ونداي جاعداي – سۇيىسپەنشىلىكتىڭ وتىن وشىرەدى. سوندىقتان ساق بولۋ كەرەك. قىزعانىشتىڭ ەڭ جامانى – سۇيگەن نارسەسىن جاقسىلىق جولىنان قىزعانۋ. ونداي جاعدايدا سول قىزعانعان نارسەسى پەندەنىڭ ءوز باسىنا پالە بوپ جابىسادى. ودان قۇتىلا الماي الەككە تۇسەدى.

سۇيىسپەنشىلىكتىڭ قۇنى – شىنايى ىقىلاس. ىقىلاسسىز جاسالعان ءاربىر امال قابىل ەمەس. پايعامبارىمىزدان جەتكەن «امالدىڭ قابىل بولۋى – ىقىلاسقا بايلانىستى» دەگەن وسيەتتى، عۇلامالار ءبىراۋىزدان «وسيەتتەردىڭ اتاسى» دەپ باعا بەرگەن.

دەمەك، سۇيىسپەنشىلىكتىڭ اناسى – ىقى­­لاس. ىقىلاس تا ىنتا بولماسا، سۇيىسپەنشىلىك تولىق ەمەس. ول جىلت ەتپە، اڭگۇدىك سۇيىسپەنشىلىككە ۇلا­سادى. جارىڭا «سەنى سۇيەمىن» دەپ قويىپ، ىقىلاس-ىنتا تانىتپاساڭىز، ول ادام – سۇيىسپەنشىلىكتىڭ قۇنىن بىلمەيتىن، ونى تولەۋدەن باس تارتقان پەندە بولعانى. قۇنسىز سۇيىسپەنشىلىك – كولدەنەڭ تابىسقا جاتادى.

ەگەر سۇيىسپەنشىلىك كورسوقىرلىققا جەتەلەيتىن بولسا، ول – جاي قۇمارلىق. مۇنداي جۇپتاردىڭ سۇيىسپەنشىلىگى ءبىر-ءبىرىن تانىعانعا دەيىن نەمەسە كەز­دەسكەنگە دەيىن عانا جالعاسادى. ويت­كەنى مۇنداي سۇيىسپەنشىلىكتە تامىر بولمايدى.

وتباسىلىق قارىم-قاتىناسى سۇيىس­پەنشىلىككە قۇرىلماعان شاڭىراق – تەك وتاعاسىنىڭ ايعايىمەن امالسىز ءومىر ءسۇرىپ جۇرەدى دە وتاعاسىنىڭ بەدەلى السىرەگەن نەمەسە ول دۇنيەدەن وتكەن جاعدايدا بىت-شىت بوپ تاراپ كەتەدى.

وسىنداي ديكتاتورلىق شاڭىراقتا وسكەن بالانىڭ رۋحى ەزىلىپ-جانشىلىپ، ساناسى زالىمدىققا بەيىمدەلەدى. ءمۇ­لايىم، پاسىق بولىپ وسەدى. مۇسا كەلمەي تۇرعاندا، پەرعاۋىننىڭ قول استىنداعى يسرايل ۇرپاقتارىنىڭ جاعدايى وسىنداي ەدى. وسى ءبىر تۇلابويىنا قۇل­دىق ۇرەي سىڭگەن ادامداردى مۇسا جا­رىق­تىق 40 جىل بويى (كەيبىر دەرەك­تەر­دە 60 جىل) قۋ مەكيەن دالادا ەرتىپ ءجۇ­رىپ، قۇلدىقتىڭ قارا تاڭباسى سۇيە­گى­نە سىڭگەن ۇرپاق الماسقانشا ء(ولىپ تاۋ­سىلعانشا) تاربيەلەدى.

جالپى العاندا وتباسى مۇشەلەرىنە ەركىندىك سۇيىسپەنشىلىك ارقىلى بە­رىلەدى. ويتكەنى سۇيسپەنشىلىك ارقىلى بەرىلەتىن بۇل نىعىمەت – وتباسىلىق بىرلىك-بەرەكەنى ارتتىرا تۇسەدى. وسى­لاي قوعامدا ەرىكتى ەركىن تۇلعالار پاي­دا بولادى. ەرىكتى تۇلعالار – ەرىك­­تى قوعامدى تۇزەيدى. قوعامدا ءبىر-ءبىرىن ءسۇيىپ، سۇيىسپەنشىلىكپەن وتاۋ قۇ­را­تىندار كوبەيەدى. ءسويتىپ ەلدىڭ، مەم­لەكەتتىڭ ىرگەتاسى بەكيدى. ءبىزدىڭ ايتىپ جۇر­گەن زايىرلى قوعام دەگەنىمىز وسى.

 

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ۇقساس جاڭالىقتار