قازاقستان • 12 جەلتوقسان، 2019

نۇر-سۇلتاندا «پوەزيا پاديشاسى» اتتى ادەبي-سازدى كەش ءوتتى

186 رەتكورسەتىلدى

نۇر-سۇلتان قالاسىنداعى №78 مەكتەپ-گيمنازيادا قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى، قوعام قايراتكەرى، كورنەكتى اقىن فاريزا وڭعارسىنوۆانىڭ 80 جىلدىق مەرەيتويىنا ارنالعان «پوەزيا پاديشاسى» اتتى ەسكە الۋ پوەتيكالىق، ادەبي-سازدى كەشى ءوتتى.

كەشكە نۇر-سۇلتان قالاسى ەسىل اۋدانى مەكتەپتەرىنىڭ وقۋشىلارى اراسىندا فاريزا وڭعارسىنوۆانىڭ جارقىن بەينەسىن دارىپتەۋ، پوەتيكالىق شىعارمالارىن ناسيحاتتاۋ ماقساتىندا ولەڭدەرى وقىلىپ، اقىننىڭ سوزىنە جازىلعان اندەر ورىندالدى. سونىمەن قاتار اقىن تۋرالى ەستەن كەتپەس ەستەلىكتەر ايتىلدى.    

ءىس-شاراعا تانىمال عالىمدار، شىعارماشىلىق زيالى قاۋىم وكىلدەرى - اقىن، فيلولوگيا عىلىمدارىنىڭ كانديداتى، ەۋرازيا ۋنيۆەرسيتەتىنىڭ دوتسەنتى وڭايگۇل تۇرجان، اقىن باۋىرجان قاراعىز ۇلى، مادەنيەت جانە سپورت مينيسترلىگى جانىنان قۇرىلعان جاس اقىن-جازۋشىلار كەڭەسىنىڭ حاتشىسى، نۇر-سۇلتان قالاسى ءبىلىم باسقارماسىنىڭ قىزمەتكەرى اسىل امانگەلدىقىزى قاتىستى. 

پوەزيا پاديشاسى فاريزا وڭعارسىنوۆانىڭ 80 جىلدىعىنا ارناپ باستاۋىش سىنىپتىڭ 80 وقۋشىسى اقىننىڭ 80 ولەڭىن وقىدى. مەكتەپ كىتاپحاناسىندا «قازاقتىڭ اقىن قىزى – فاريزا» اتتى ادەبي-تانىمدىق كەش ۇيىمداستىرىلدى. قازاق ءتىلى مەن ادەبيەت بولىگىندە فاريزا وڭعارسىنوۆاعا ارنالعان «جىر پاديشاسى - فاريزا» اتتى فوتوالبوم شىعارىلىپ، وقۋشىلارعا اقىننىڭ ماڭگىلىك بەينەسى، ءومىرى مەن ونەرىنەن سىر شەرتىلدى.

سوڭعى جاڭالىقتار

عارىشتاعى قوقىس (ۆيدەو)

ۆيدەو • بۇگىن، 13:08

جارقىن جوبالار

ايماقتار • بۇگىن، 10:00

ءسوز سويىل №88

رۋحانيات • بۇگىن، 09:42

ۇقساس جاڭالىقتار