قازاقستان • 12 جەلتوقسان، 2019

ەلوردادا يپپوتەراپيامەن اينالىسۋ ءۇشىن جابىق مانەج سالىنادى

26 رەتكورسەتىلدى

ەلوردا اكىمدىگىندە يپپودروم بازاسىندا يپپوتەراپيا جانە ات سپورتى ءۇشىن جابىق مانەجدى سالۋ تالقىلاندى. جوبا مەملەكەتتىك-جەكە مەنشىك ارىپتەستىك اياسىندا جۇزەگە اسىرىلادى. بالالارمەن ارنايى وقىتىلعان نۇسقاۋشىلار شۇعىلدانادى،ساباق ءۇشىن تەك جۋاس اتتار الىنادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


نۇر-سۇلتاندا ەرەكشە قاجەتتىلىكتەرى بار 5 مىڭنان استام بالا بار. ەلىمىزدىڭ ات سپورتى فەدەراتسياسىنىڭ پاراليمپيادالىق ات سپورتى دەپارتامەنتىنىڭ ديرەكتورى ەلەنا چەرنيكوۆانىڭ ايتۋىنشا، يپپوتەراپيا كۋرسىنان كەيىن بالالاردىڭ دەنساۋلىق جاعدايى ايتارلىقتاي جاقساراتىنىن اتاپ ءوتتى.

«يپپوتەراپيا وڭالتۋدىڭ بىرنەشە ءتۇرىن بىرىكتىرەدى: بۇل ەمدىك دەنە شىنىقتىرۋ، ماسساج، بالالاردى الەۋمەتتىك جانە پسيحولوگيالىق بەيىمدەۋ. بۇل جەردە بالا وڭالتۋدان ءوتىپ جاتقانىن تۇسىنبەيبى، سەبە ول ءدارى تامىزعىشتار مەن دارىگەرلەردى كورمەيدى. ورتالىققا بالا جىلقىعا ءمىنۋ ءۇشىن، ويناۋ ءۇشىن كەلەدى. كۋرستان كەيىن، مۇلدە جۇرمەگەن بالالار ءوزىنىڭ العاشقى قادامدارىن جاساپ، ءوز بەتىمەن ارقاسىن ۇستاي الاتىن دارەجەگە جەتەدى»، دەدى ە. چەرنيكوۆا.

الەۋمەتتىك جوبا ەلىمىزدىڭ باسقا وڭىرلەرىندە 10 جىلدان استام جۇمىس ىستەيدى. يپپوتەراپياعا ەلىمىزدىڭ ءار وڭىرىنەن بالالار كەلەدى. ۇيىمداستىرۋشىلاردىڭ ايتۋىنشا، وڭالتۋ كۋرسىنان كەيىن كوپتەگەن بالالار ات سپورتىمەن اينالىسىپ، سپورتتىق جارىستاردا مەدالدارعا يە بولعاندارى دا بار.

قالا اكىمى ا. كولگىنوۆ يپپودروم بازاسىن ءۇش باعىت بويىنشا دامىتۋ قاجەتتىگىن اتاپ ءوتتى: يپپوتەراپيا، ۇلتتىق جانە كلاسسيكالىق سپورت تۇرلەرىن وتكىزۋ جانە دايىنداۋ، سونداي-اق تۋريستىك مارشرۋتتار. بۇدان باسقا، ەلوردا دا  ەرەكشە قاجەتتىلىكتەرى بار ازاماتتار ءۇشىن ەكى وڭالتۋ ورتالىعى سالىنادى. جاڭا تۇرعىن ءۇي كەشەندەرىنىڭ ءبىرىنشى قاباتتارىندا ەمحانا، بالاباقشا، وڭالتۋ ورتالىقتارى، پوليتسيانىڭ تىرەك پۋنكتى سياقتى الەۋمەتتىك نىساندار اشىلادى.


سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ۇقساس جاڭالىقتار