ۇكىمەت • 12 جەلتوقسان، 2019

يراكتان قايتارىلعان بالالار تۋىستارىمەن قوسىلدى

22 رەتكورسەتىلدى

قازاقستان رەسپۋبليكاسىنىڭ تاۋەلسىزدىك كۇنى قارساڭىندا ەلوردانىڭ ەڭ كورنەكتى عيماراتتارىنىڭ ءبىرى، ەلىمىزدىڭ سيمۆولى بولىپ تابىلاتىن «بايتەرەك» مونۋمەنتىنىڭ باسىندا ۇستىمىزدەگى جىلعى 27 قاراشادا پرەزيدەنت قاسىم-جومارت توقاەۆتىڭ تاپسىرماسىمەن گۋمانيتارلىق اكتسيا ناتيجەسىندە يراكتان قازاقستانعا قايتارىلعان بالالار جاقىن تۋىستارىنا بەرىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

ءىس-شاراعا قازاقستان رەسپۋبليكاسىنىڭ سىرتقى ىستەر ءمينيسترىنىڭ ورىنباسارى ەرجان اشىقباەۆ، نۇر-سۇلتان قالاسى اكىمىنىڭ ورىنباسارى باقتيار ماكەن، قازاقستان رەسپۋبليكاسىنىڭ سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ستانيسلاۆ ۆاسيلەنكو، ءبىلىم جانە عىلىم ءمينيسترىنىڭ بالالار قۇقىعى جونىندەگى كەڭەسشىسى رايسا شەر جانە ت.ب. قاتىستى.

بالالار ەلىمىزدىڭ تاۋەلسىزدىگى كۇنى قارساڭىندا «بايتەرەك» باسىندا ءوز تۋىستارىمەن قاۋىشۋى وتە سيمۆوليكالىق مانگە يە. بالالار «بايتەرەك» ءمۇسىنىن ءوز سۋرەتتەرىندە سالىپ، ونىڭ ىشىندە ءبىر بولىپ كورۋدى، ەلىنە ورالۋدى ارمانداپ كەلگەن. بۇگىن سول ارماندارىنىڭ بارلىعى ورىندالىپ، ەلگە ورالىپ، «بايتەرەك» ءىشىن ارالاپ، ءوز تۋىستارىمەن قاۋىشتى. ءار قازاقستاندىق بالانىڭ پەرىشتە ارمانى ورىندالۋى ءتيىس جانە مەملەكەت تە سوعان مۇددەلى.

سونداي-اق قازاقستاندىق ديپلوماتتار بىرلەستىگى مەن نۇر-سۇلتان قالالىق اكىمدىگى اتىنان بالالارعا ەستەلىك سىيلىقتار بەرىلدى.

الداعى ۋاقىتتا ولاردىڭ بولاشاعى مەملەكەت تاراپىنان باقىلاۋدا بولادى. ولار ەلىمىزدەگى بارلىق بالالارىمەن بىرگە جالپى ءبىلىم بەرۋ مەكەمەلەرىندە ەش كەدەرگىسىز ءبىلىم الاتىن بولادى.

1

سوڭعى جاڭالىقتار

ازىق-ت ۇلىك باعاسى الاڭداتادى

پارلامەنت • بۇگىن، 08:12

ۇقساس جاڭالىقتار