پارلامەنت • 12 جەلتوقسان، 2019

سەناتتا «بايقوڭىر» كەشەنىن جالعا بەرۋ شارتىنا وزگەرىستەر ەنگىزۋ ماسەلەلەرى قارالدى

18 رەتكورسەتىلدى

پارلامەنت سەناتىنىڭ وتىرىسىندا 1994 جىلعى 10 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى حاتتاما راتيفيكاتسيالاندى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

2017 جىلعى 9 قاراشادا چەليابينسك قالاسىندا جاسالعان حاتتاما رەسەي فەدەراتسياسى جالعا العان جالپى الاڭى 11،6 مىڭ گەكتار جەر ۋچاسكەلەرىن قازاقستان رەسپۋبليكاسىنا قايتارۋدى كوزدەيدى.

اۋىل شارۋاشىلىعى ءمينيسترىنىڭ ءبىرىنشى ورىنباسارى ايداربەك ساپاروۆ اتاپ وتكەندەي، جالعا بەرۋدەن 4 جەر ۋچاسكەسى شىعارىلادى.

«قايتارىلاتىن جەر ۋچاسكەلەرى «باتىس ەۋروپا-باتىس قىتاي» حالىقارالىق ترانزيتتىك ءدالىزىن، الماتى-ماسكەۋ تەمىرجولىن سالۋ جانە «بەينەۋ-شىمكەنت» گاز قۇبىرىنىڭ جەلىلىك بولىگى مەن قىزىلوردا وبلىسى قارماقشى اۋدانى تورەتام اۋىلىن دامىتۋ ءۇشىن قايتا بولىنەدى»، دەپ اتاپ ءوتتى ول.

قازاقستان رەسپۋبليكاسى مەن مونعوليا اراسىنداعى سوتتالعان ادامداردى بەرۋ تۋرالى شارت راتيفيكاتسيالاندى.

كەلىسىم قازاقستان مەن موڭعوليا اراسىنداعى قىلمىستىق قۇقىقتىق قاتىناستارداعى قۇقىقتىق ىنتىماقتاستىقتى نىعايتۋعا باعىتتالعان.

شارتقا سايكەس سوتتالعان ادامنىڭ جازباشا كەلىسىمىمەن ءارى ەگەر بەرۋ تۋرالى سۇراۋ سالۋ الىنعان كەزدە سوتتالعان ادامعا قاتىستى شىعارىلعان ۇكىم زاڭدى كۇشىنە ەنگەن بولسا جانە سوتتالعان ادامنىڭ وتەۋىنە جاتاتىن ۋاقىت كەزەڭى كەمىندە ءبىر جىلدى قۇراسا، سوتتالعان ادام باس بوستاندىعىنان ايىرۋ تۇرىندەگى جازانى ءوز وتانىندا ودان ءارى وتەۋ ءۇشىن بەرىلۋى مۇمكىن.

سەناتور ا.لۋكين وسىنداي حالىقارالىق قۇقىقتىق قۇرالداردىڭ بولۋى، ارينە، قازاقستان رەسپۋبليكاسىنان تىس جەرلەردە سوتتالعان وتانداستارىمىزدىڭ بۇدان بىلايعى تاعدىرىن جەڭىلدەتەتىنىن، ولاردى وزگە ەلدىڭ تۇزەۋ مەكەمەلەرىندە ۇستاۋ ولاردىڭ تۋىستارىمەن جانە جاقىندارىمەن قارىم-قاتىناس جاساۋىنا كەدەرگى كەلتىرەتىنىن، سونداي-اق تىلدىك تۇرعىدا  كەدەرگىلەرگە تاپ بولاتىنىن جەتكىزدى.

دەرەكتەر بويىنشا مونعوليانىڭ بەس ازاماتى قازاقستاندا جازاسىن وتەپ جاتىر. قازاقستاننىڭ موڭعوليادا جازاسىن وتەپ جاتقان ازاماتتارى جوق.

قازاقستان بۇگىنگى تاڭدا 21 ەلمەن وسىنداي شارتتار جاسادى، ولاردىڭ ىشىندە ۋكراينا، قىتاي، تۇركيا، بىرىككەن اراب امىرلىكتەرى جانە تاعى باسقا ەلدەر بار.

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ۇقساس جاڭالىقتار