قوعامداعى سىبايلاس جەمقورلىق دەڭگەيىن تومەندەتۋ جانە مەملەكەتتىك باسقارۋ ينستيتۋتىنا ەل سەنىمىن ارتتىرۋ ماقساتىندا قولعا الىنعان باستامانىڭ ءبىرى جان-جاقتى قولداۋ تاپتى.
كەڭسەنىڭ اشىلۋىنا ايماق باسشىسىنىڭ ورىنباسارى ق.جۇماشەۆ, قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى س.قانىبەكوۆ, «ماڭعىستاۋ - ادالدىق الاڭى» جوبالىق كەڭسەسىنىڭ جەتەكشىسى د. ۇسىپباەۆ قاتىستى.
اكىمدىكتىڭ اكت زالىندا وتكەن جيىندا سىبايلاس جەمقورلىققا قارسى جۇرگىزىلىپ جاتقان نەگىزگى باسىم باعىتتار تۋرالى ايتىلدى. اسىرەسە وڭىردە قوعامنىڭ جەمقورلىققا توزبەۋشىلىگىن قالىپتاستىرۋعا ارنالعان شارالاردىڭ سانىنا ەمەس ساپاسىنا كوبىرەك كوڭىل ءبولۋ قاجەتتىگى ءسوز بولدى.
اسىرەسە سىبايلاس جەمقورلىق دەڭگەيىن تومەندەتۋ, سىبايلاس جەمقورلىققا قارسى توزبەۋشىلىكتى قالىپتاستىرۋ جانە مەملەكەتتىك بيلىك ينستيتۋتتارىنا ازاماتتاردىڭ سەنىمىن ارتتىرۋدا ءاربىر اۋدان تۇرعىنى ءوز ۇلەسىن قوسۋعا شاقىردى. بۇدان بىلاي ازاماتتار وزەكتى ماسەلەلەر بويىنشا مەمدەكەتتىك ورگان وكىلدەرىنىڭ قابىلداۋدا بولىپ, وزدەرىنىڭ ۇسىنىستارىن جانە شەشىمىن تاپپاعان پروبلەمالارىن اشىق جەتكىزە الادى.
وسىلايشا قوعام الدىندا مەملەكەتتىك اپپارات قىزمەتىنىڭ اشىقتىعىن كورسەتۋ جانە حالىق پەن بيلىكتىڭ بايلانىسىن نىعايتۋعا مۇمكىندىگى قازىنالى قاراقيا اۋدانىندا دا ۇيىمداستىرىلدى. تۇرمىستىق جەمقورلىقتى جويۋ جانە كەڭ اۋقىمدى قوعامدىق باقىلاۋدى قامتاماسىز ەتۋ بولىپ تابىلاتىن باستاما ەندىگى جەردە جاڭاوزەن قالاسى مەن بەينەۋ, مۇنايلى جانە ماڭعىستاۋ اۋدانىندا جالعاسىن تاپپاق.
شارا بارىسىندا ق.جۇماشەۆ, س.قانىبەكوۆ, د.ۇسىپباەۆ جانە اۋدان اكىمى ق.بەكوۆ اۋدان تۇرعىندارىن قابىلداپ, سۇراقتارىنا جاۋاپ بەردى. ايتىلعان ۇسىنىستار مەن ارىزدار بويىنشا ءتيىستى مەكەمە باسشىلارىنا تاپسىرمالار جۇكتەلدى.
