قازاقستان جازۋشىلار وداعىنىڭ مۇشەسى بولىپ تابىلاتىن ءاربىر قالامگەردىڭ ۆەب-سايتتارىن تەگىن جاساپ بەرۋ جانە ولارعا تەحنيكالىق قولداۋ كورسەتۋ, قالامگەرلەردىڭ شىعارمالارىن ءبىر جەرگە جيناقتاپ, ولاردىڭ بىرتەكتى ەلەكتروندى بازاسىن قۇرۋدى ماقسات ەتەتىن جوبادا قازاقستان رەسپۋبليكاسىنىڭ ۇلتتىق مەملەكەتتىك كىتاپ پالاتاسىنىڭ مۇراعاتىن پايدالانا وتىرىپ, قالامگەرلەردىڭ تولىق بيبليوگرافيالىق انىقتامالىعىن جاساۋ, ولاردىڭ وقىرمانمەن جانە شەت ەلدىك جازۋشىلارمەن بايلانىسىن دامىتۋ جۇمىستارى جولعا قويىلۋدا.
جوبانىڭ العاشقى تۇساۋكەسەرى نۇر-سۇلتان قالاسىندا ءوتىپ, وندا ەلوردالىق جانە اقمولا وبلىسى بويىنشا قازاقستان جازۋشىلار وداعىنىڭ مۇشەسى بولىپ تابىلاتىن 140 قالامگەرگە ۆەب-سايت سەرتيفيكاتتارى تابىستالعان بولاتىن. 9 جەلتوقسان كۇنى الماتىدا جالعاسىن تاپقان وسى شارا اياسىندا قازاقستان جازۋشىلار وداعىنىڭ 85 جىلدىعىنا وراي وتكەن سالتاناتتى كەشتە قازاقستان رەسپۋبليكاسىنىڭ ۇلتتىق مەملەكەتتىك كىتاپ پالاتاسى ءار قالامگەردىڭ جەكە اتىنا اشىلعان ۆەب-سايتتىڭ سەرتيفيكاتىن تابىس ەتتى.
