رۋحانيات • 11 جەلتوقسان، 2019

«جۋسان» وپەراتسياسى جايلى قويىلىمنىڭ پرەمەراسى ءوتتى

150 رەتكورسەتىلدى

حاديشا بوكەەۆا اتىنداعى باتىس قازاقستان وبلىستىق قازاق دراما تەاترى قازاقستاندا العاش رەت پرەزيدەنت پارمەنىمەن جۇزەگە اسىرىلعان «جۋسان» وپەراتسياسى جايلى سپەكتاكلدى كورەرمەنگە ۇسىندى.

«سەمسەر» ادەبي سىيلىعىنىڭ يەگەرى مارلەن عيلىمحاننىڭ «جۋسان» پسيحولوگيالىق دراماسىندا سودىرلاردىڭ سويىلىن سوعىپ، دۇمشەلەردىڭ سوڭىنان ەرگەن جانداردىڭ جانايقايى، جان ارپالىسى سۋرەتتەلەدى. شيزوفرەنيالىق، گالليۋتسيناتسيالىق بەينەلەردىڭ اراسىندا اداسقان، ساندىراقتاۋدان، جابىرقاۋدان، ۇرەيلەنۋدەن شارشاعان جاس جىگىتتىڭ جاي-كۇيى، باستان كەشكەن وقيعالارى اشىق ايتىلادى. سيرياداعى سوعىس ايماعىنان پرەزيدەنت پارمەنىمەن جۇزەگە اسىرىلعان «جۋسان» گۋمانيتارلىق وپەراتسياسى ارقىلى ەلگە قايتقانداردىڭ تاعدىرى كورسەتىلگەن پرەمەراعا كەلگەن كورەرمەننىڭ قاراسى كوپ بولدى. ءتىپتى كورەرمەن زالىنان ورىن جەتپەگەن ءبىراز جۇرت قويىلىمدى تىكەسىنەن تىك تۇرىپ تاماشالادى.

- قويىلىمنىڭ باستى كەيىپكەرى – جادىگەر ەسىمدى جاس جىگىت. ول سيرياعا سوقىر سەنىممەن اداسىپ بارىپ، جاراقات الىپ، «جۋسان» وپەراتسياسى ارقىلى ەلگە ورالعان. باسىنا تيگەن سوققى اسەرىنەن وتكەن ءومىرىن ۇمىتىپ قالعان جادىگەردىڭ سيرياداعى جانە وتانىنا ورالعان كەزدەگى ءومىرى ەكى كەڭىستىكتە قاتار ءوتىپ جاتادى. ءتىپتى ونى شىنايى ومىرگە قايتا ورالتۋشى تەرگەۋشى مەن پسيحولوگ تا كەيىپكەردى كورشىسى مەن اناسى ءرولىن قاتار الىپ جۇرەدى. قويىلىمدا جادىگەر ۋاعىزدا ايتىلاتىن حاق يسلام ورناعان حاليفات پەن سيرياداعى شىنايى ءومىردىڭ اسپان مەن جەردەي ەكەنىن ءوز كوزىمەن كورىپ، سەزىنەدى. ءبىز وسى قويىلىم ارقىلى ءاردايىم ماسەلەنىڭ ەكىنشى قىرىنا نازار اۋدارىپ، كورەرمەندى «ايدىڭ ارعى بەتىنە ۇڭىلۋگە» شاقىردىق، - دەيدى اۆتور.

قويىلىمنىڭ رەجيسسەرى – «ەڭبەك داڭقى» توسبەلگىسىنىڭ يەگەرى سامال ءابۋوۆ بولسا، سۋرەتشىسى - «ونەر سالاسىنىڭ ۇزدىگى» توسبەلگىسىنىڭ يەگەرى مۇرات مامبەتوۆ. سپەكتاكلدىڭ جان تولقىتار سازدى بولىگىن دىبىس رەجيسسەرى ەرجان قاجىموۆ قويدى. باستى ءرولدى جاس اكتەر قۇرالبەك قاتشاەۆ سومداسا، پسيحولوگ اجاردىڭ بەينەسىن قازاقستاننىڭ ەڭبەك سىڭىرگەن قايراتكەرى اسەل مامبەتوۆا اسەرلى جەتكىزدى.

- «جۋسان» جاس اقىن مارلەن عيلىمحاننىڭ دراماتۋرگيا جانرىنداعى تىرناقالدى تۋىندىسى بولسا دا وتە ءساتتى شىققان ەكەن. تاقىرىپتىڭ كۇردەلى قوعامدىق ماسەلەنى كوتەرگەن وزەكتىلىگى ايتپاسا دا بەلگىلى عوي. اۆتور قويىلىمىندا تاقىرىپتىڭ سىرتقى قاباتىن عانا الىپ قويماعان، ىشكى ادامدىق ءيىرىم، پسيحولوگيالىق احۋالعا كوڭىل ءبولىپ، ادامدى ەمەس، ادامنىڭ ىشكى بولمىسىن سويلەتۋگە كۇش سالعان ەكەن. اۆتوردىڭ كوركەم ءماتىنىن قويۋشى رەجيسسەر سامال ءابۋوۆ تە شەبەرلىكپەن الىپ شىققان. تەحنولوگيا قانشا دامىعانمەن، ادامنىڭ ەكىگە جارىلۋىن، سانا اعىمىن ساحنالاۋ وڭاي شارۋا ەمەس. الايدا اۆتور مەن قويۋشى رەجيسسەردىڭ قيالى، دەكوراتسيا مەن بي كومپوزيتسيالارى ادەمى جىمداسىپ، تۇتاس كومپوزياتسيالىق دۇنيە ساحنالاندى دەپ ويلايمىن. كوپ ءسوزدى، ۇزاق-سونار ديداكتيكا دا بولعان جوق، تىڭ، پسيحولوگيالىق اسەرلى دۇنيە تۋدى، - دەيدى قويىلىمدى تاماشالاعان ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتى قازاق فيلولوگياسى كافەدراسىنىڭ اعا وقىتۋشىسى، PhD دوكتور ايداربەك اقبولاتوۆ.

ايتا كەتەيىك، «جۋسان» قويىلىمىنىڭ العاشقى كۇنگى پرەمەراسىن باتىس قازاقستان وبلىسىنداعى مادەنيەت سالاسى باسشىلارى تاماشالاپ، وبلىس اكىمى عالي ەسقاليەۆتىڭ اتىنان ىقىلاس گ ۇلى تارتۋ ەتىلدى.

 

باتىس قازاقستان

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

بالا اۋىرسا، ءبارىمىز جاۋاپتىمىز

مەديتسينا • بۇگىن، 06:48

ۇقساس جاڭالىقتار