دوڭگەلەك ۇستەلگە مەملەكەتتىك حاتشى قىرىمبەك كوشەرباەۆ, سەنات جانە ءماجىلىس دەپۋتاتتارى, ديپلوماتيالىق كورپۋس باسشىلارى, ديپلوماتيالىق وكىلدىكتەردىڭ وكىلدەرى, ۇكىمەت مۇشەلەرى جانە باق وكىلدەرى قاتىستى.
قىرىمبەك كوشەرباەۆ ءوز سوزىندە قازاقستاندا ادام قۇقىقتارىن قورعاۋ ماسەلەسىنىڭ حالىقارالىق مىندەتتەمەلەرى تۇرعىسىنان وزەكتىلىگىن, سونداي-اق قۇقىق قورعاۋ مەحانيزمدەرىن جەتىلدىرۋ سالاسىندا مەملەكەتتىڭ ازاماتتىق قوعام ينستيتۋتتارىمەن ءوزارا سىندارلى ديالوگىن دامىتۋدىڭ ماڭىزدىلىعىن اتاپ ءوتتى.
دوڭگەلەك ۇستەل بارىسىندا كونستيتۋتسيامەن جانە قولدانىستاعى زاڭنامامەن قامتاماسىز ەتىلگەن ادامنىڭ جانە ازاماتتىڭ قۇقىقتارى مەن بوستاندىقتارىنىڭ ىسكە اسۋى جونىندە ايتىلدى. سونداي-اق حالىقارالىق ستاندارتتارعا سايكەس ادام قۇقىقتارىن قورعاۋ مەن قامتاماسىز ەتۋدىڭ ۇلتتىق تەتىكتەرىن ودان ءارى جەتىلدىرۋ جايىندا كەڭ پىكىر الماسۋ بولدى.
قاتىسۋشىلار حالىقارالىق قۇقىقتىڭ نورمالارىن ۇلتتىق زاڭناماعا ەنگىزۋ ماسەلەلەرىن العا تارتىپ, ادام قۇقىقتارىن قورعاۋدىڭ حالىقارالىق جانە ۇلتتىق تەتiكتەرiن جەتىلدىرۋگە قاتىستى پايىمدى پىكىر ءبىلدىردى. سونىمەن قاتار ادام قۇقىقتارىن سوت جانە سوتتان تىس ينستيتۋتتار ارقىلى قورعاۋدى جەتىلدىرۋدىڭ وزەكتى ماسەلەلەرى دە نازارعا الىندى.
تالقىلاۋعا قاتىسقان حالىقارالىق جانە ۇلتتىق ساراپشىلار قازاقستانداعى قۇقىق قورعاۋ تەتىكتەرىنە وڭ باعا بەردى.
دوڭگەلەك ۇستەلگە قاتىسۋشىلار ادام قۇقىقتارى سالاسىندا قازاقستان راتيفيكاتسيالاعان حالىقارالىق شارتتاردىڭ قۇقىق قورعاۋ تەتىكتەرىن جەتىلدىرۋدەگى جانە ادام قۇقىعىن قورعاۋدىڭ ۇلتتىق جۇيەسىن نىعايتۋداعى ماڭىزدى ءرولىن اتاپ ءوتتى.
– ەلىمىزدىڭ بارلىق جەتىستىكتەرى مەن جەمىستەرى تۇڭعىش پرەزيدەنت – ەلباسى نۇرسۇلتان نازارباەۆتىڭ مەملەكەتتىك قايراتكەرلىگىنىڭ, قازاقستان حالقىنىنىڭ جاسامپازدىق ەڭبەگىنىڭ ارقاسىندا مۇمكىن بولدى. قازاقستاننىڭ وركەندەۋىن مەملەكەت باسشىسى قاسىم-جومارت توقاەۆ ساباقتاستىق, ادىلدىك, دامۋ جولىمەن جالعاستىرۋدا. پرەزيدەنت جانىنداعى ادام قۇقىقتارى جونىندەگى كوميسسياسى ۇكىمەتتىك ەمەس ۇيىمدارمەن, حالىقارالىق ۇيىمدارمەن تەڭ ارىپتەستىك ورناتقان سىندارلى ءارى ءتيىمدى ديالوگ الاڭىنا اينالدى, – دەدى قازاقستان پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى قۋانىش سۇلتانوۆ.
