كونكۋرسقا قاتىساتىن ۇمىتكەرلەردى تاڭداۋ – ناۋقاستاردىڭ ءوز دەنساۋلىعىنا دەگەن جاۋاپكەرشىلىگى, جۇيەلى تۇردە دارىگەرگە كورىنۋ جانە تەكسەرىلۋ, دارىگەرلەر تاعايىنداعان بارلىق ەم-دمدى, كەڭەستى ورىنداۋ, دۇرىس تاماقتانۋ جانە ديەتا ۇستاۋ, بازيستىك پرەپاراتتاردى تۇراقتى قابىلداۋ, قانداعى قانت, حولەستەرين, تريگليتسەريد دەڭگەيىن تومەندەتۋ, اۋرۋدى اسقىندىرماۋ سياقتى ولشەمدەر بويىنشا جۇزەگە اسىرىلدى.
العاشقى بايقاۋعا ورال قالاسىندا وبلىستىق كونكۋرس وتكىزىلىپ, قالالىق جانە اۋداندىق مەديتسينالىق ۇيىمداردان 8 پاتسيەنت قاتىستى. كونكۋرس ءۇش كەزەڭدە ءوتتى. «ابب-نىڭ ۇزدىك پاتسيەنتى» اتاعىنا يە بولۋ ءۇشىن ۇمىتكەرلەر ءوزىن-ءوزى تانىستىرۋ سياقتى شىعارماشىلىقتارىن ۇسىنا وتىرىپ, ۆيكتورينا سۇراقتارىنا جاۋاپ بەرىپ, ونىمدەر كارزەڭكەسىن تەز جانە دۇرىس جيناۋ جارىسىنا قاتىستى.
باتىس قازاقستان وبلىسى دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ابدراحمانوۆا, ۇەۇ وكىلدەرى, وبلىستىق ءماسليحات دەپۋتاتتارى, مەديتسينالىق-سانيتاريالىق العاشقى كومەك (مساك) كورسەتۋ ۇيىمدارى باقىلاۋ كەڭەسىنىڭ مۇشەلەرى, مساك جونىندەگى ايماقتىق ۇيلەستىرۋشى, ايماقتىڭ شتاتتان تىس باس كارديولوگى جانە ەندوكرينولوگىنان قۇرالعان قۇزىرلى قازىلار القاسى ەكى جەڭىمپازدى تاڭداپ الدى. ولار – يرينا ۆوروبەۆا (№1 قالالىق ەمحانا) مەن ەۆگەني ديدەنكو (№3 قالالىق ەمحانا). كورەرمەندەر ىقىلاسى سىيلىعىنا ايسۇلۋ دوسجانوۆا (سىرىم اۋداندىق اۋرۋحاناسى) يە بولدى.
«اۋرۋلاردى باسقارۋ باعدارلاماسىنا مەنىڭ قاتىسىپ جۇرگەنىمە 3 جىل بولدى. وسى ۋاقىت ارالىعىندا ءبىراز سالماق تاستادىم. ءبىز كورسەتكىشتەردى ءوزىمىز باقىلاپ وتىرامىز, سەبەبى ءوز دەنساۋلىعىمىزعا ءوزىمىز جاۋاپتىمىز» – دەيدى يرينا ۆوروبەۆا.
بقو دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ءابدىراحمانوۆا وسى وڭىردە ءۇش جىل بويى جۇزەگە اسىرىلىپ جاتقان اۋرۋلاردى باسقارۋ باعدارلاماسىنىڭ تيىمدىلىگى جوعارى ەكەندىگىن, ابب توبىنا ەنگىزىلگەن پاتسيەنتەر اراسىندا جەدەل ناۋقاستاردىڭ ازايعانىن, بارلىق قاتىسۋشىلاردىڭ دەنساۋلىقتارىنىڭ ەداۋىر جاقسارعانىن اتاپ ءوتتى.
باعدارلامانىڭ باستى ارتىقشىلىعى: بۇرىن دارىگەرلەر ۇسىنىمداردى ۇستانۋدى جانە ەم قابىلداۋدى پاتسيەنتتەردەن ۇدايى تالاپ ەتەتىن,بۇگىنگى كۇنى جاعداي بىرتىندەپ وزگەرىپ كەلەدى. بۇل دارىگەر مەن پاتسيەنت اراسىندا سەرىكتەستىك ورناتۋعا سەپتەسىپ وتىر. ولار قاۋىپسىزدىك فاكتورلارىن بىرلەسە وڭدەيتىن بولادى جانە ازاماتتار ەمدەۋ كۇندەلىگىن جۇرگىزەدى, دەيدى ۇيىمداستىرۋشىلار.
سونداي-اق «ەڭ وزىق پاتسيەنت» كونكۋرسى اقمولا وبلىسىندا دا وتكىزىلدى. وبلىستىق كونكۋرسقا 8 ادام قاتىستى. ءۇش كونكۋرس بارىسىندا قاتىسۋشىلار دەنساۋلىق تۋرالى ءوز بىلىمدەرىن كورسەتۋگە تىرىستى. قازىلار القاسىۇشىن باعدارلاما كەزىندە قول جەتكىزگەن مەديتسينالىق كورسەتكىشتەردىڭ جاعىمدى ديناميكاسى باستى ارگۋمەنت بولىپ سانالدى.
قاتىسۋشىلار وڭىردە ەنگىزىلگەن باعدارلامانىڭ ومىرگە دەگەن كوزقاراستارىنىڭ تۇبەگەيلى وزگەرتكەنىن جانە وسى كەزەڭ اراسىندا قانداي ناتيجەگە قول جەتكىزگەنىن ايتادى. كەيبىرەۋلەرى 8, باسقالارى 12 كيلوگرامم سالماق تاستاپ, ارىقتاعاندارىن, وسىلايشا كيىم-كەشەكتەرىن جاڭارتۋعا تۋرا كەلگەندىگىن ازىلمەن جەتكىزدى. ەندى پاتسيەنتتەر وسى باعدارلامانىڭ پايدالى ەكەندىگىن, وزدەرى دە باسقا ادامدارعا كومەكتەسەتىندىكتەرى تۋرالى مالىمدەدى.
كونكۋرس ناتيجەسى بويىنشا ءۇشىنشى دارەجەلى ديپلومعا ساندىقتاۋ اۋدانىنىڭ تۇرعىنى تاتيانا چەرەۆكو يە بولسا, اتباسار قالاسىنىڭ تۇرعىنى جاڭاگۇل ابدراحمانوۆا ەكىنشى ورىندى يەلەندى. ونىڭ ايتۋىنشا, اۋداندىق دەڭگەيدە جۇلدەلى ورىنعا يە بولعاندىقتان, وبلىستىق دەڭگەيگە قاتىسۋعا مۇمكىنشىلىك العان ەكەن. سونداي-اق ول بۇل باعدارلاماعا وتكەن جىلى عانا قوسىلعانىن, سودان بەرى وزىنە جانە اۋرۋىنا دەگەن كوزقاراسىنىڭ وزگەرگەنى, ومىرىندە سپورتتىڭ پايدا بولعانى, جۇبايىمەن بىرگە ءومىر سالتىن تۇبەگەيلى تۇردە جاڭارتقانى, دۇرىس تاماقتانۋعا, راتسيوندى دۇرىس قۇراستىرۋعا كوڭىل بولە باستاعاندارى تۋرالى ايتتى. باستى سىيلىقتى كوكشەتاۋلىق ۆالەنتينا گورنوستاەۆا يەلەنگەندىكتەن, كونكۋرستىڭ رەسپۋبليكالىق دەڭگەيىنە وبلىس اتىنان قاتىساتىن بولدى.
سونىمەن قاتار قوستاناي, سولتۇستىك قازاقستان, تۇركىستان وبلىستارى مەن نۇر-سۇلتان جانە شىمكەنت قالالارىندا دا كونكۋرستار ءوتتى.
تاۋەلسىزدىك كۇنى قارساڭىندا كارديولوگيا جانە ىشكى اۋرۋلار عىلىمي – زەرتتەۋ ينستيتۋتىندا رەسپۋبليكالىق بايقاۋ قورىتىندىلانىپ, ءوز دەنساۋلىعىنا ءجۇردىم-باردىم قارامايتىن جەڭىمپازدار ماراپاتتالاتىن بولادى.
