ايماقتار • 10 جەلتوقسان، 2019

ۇلتتىق تۋريزم شەتەلدىك تۋروپەراتورلاردىڭ قىزىعۋشىلىعىن ارتتىرۋدا

67 رەتكورسەتىلدى

الماتى قالاسىنىڭ تۋريزم باسقارماسى ونلاين جانە وففلاين جەلىلەرىندە الماتى قالاسىن جارنالامالاۋدى باستاپ كەتكەن-ءدى. جىلدىڭ باسىنان بەرگى ارالىقتا لوندون، ماسكەۋ جانە بەرلين، مۋمباي،  گونكونگ قالاسىندا وتكەن كونفەرەنتسيالاردا قازاقستاندىق تۋروپەراتورلار بەلسەندى دەۋگە نەگىز بار. كورشىلەس رەسەي، قىتاي، وزبەكستان جانە قىرعىزستان، ت.ب. ەلدەردەن كەلۋشىلەر ءۇشىن قازاقستان تابيعاتى ەرەكشە كوركىمەن باۋرايدى. ال مەدەۋ مۇز ايدىنى مەن شىمبۇلاق شاتقالىنىڭ تابيعي اسەمدىگى ءوز الدىنا بولەك. تابيعاتتىڭ بۇل كورىكتى كەلبەتىن سوزبەن ايتىپ سۋرەتتەۋ مۇمكىن ەمەس دەيدى، پىكىر بىلدىرگەن تۋريستەر.

قازاقستانعا «شىمبۇلاقتىڭ» باۋىرلاس-كۋرورتى – «روزا حۋتور» تاۋ كۋرورتىنىڭ دەلەگاتسياسى كەلگەندىگى الداعى ۋاقىتتاعى تۋريستىك ىنتىماقتاستىققا ىقپال ەتەدى، دەپ باعامدايدى ساراپشىلار. اتالعان كۋرورتتىڭ حالىقارالىق قاتىناستار جانە تۋريزم دەپارتامەنتىنىڭ باسشىسى ا.ماركوۆ قازاقستاندىق تۋروپەراتورلار مەن تۋراگەنتتىكتەرگە «روزا حۋتور» مۇمكىندىكتەرىن، ىنتىماقتاستىقتى دامىتۋ مەن 2019-2020 جىلدارعا ازىرلەنگەن جاڭالىقتاردى تانىستىردى.

قازاقستان مەن رەسەي اراسىنداعى تۋريستىك اعىن سوڭعى جىلدارى بەلسەندى تۇردە وسۋدە. 2018 جىلدىڭ قازان ايىندا قول قويىلعان ەكى ەلدەگى ەڭ تانىمال «شىمبۇلاق» جانە «روزا حۋتور» تاۋ كۋرورتتارى اراسىنداعى ىنتىماقتاستىق تۋرالى مەموراندۋم بۇعان ءوز ۇلەسىن قوستى. مەموراندۋم اياسىندا سەرىكتەس كۋرورتتار كۋرورتتىق-ساۋىقتىرۋ دەمالىسىن، سپورت پەن ءتۋريزمدى ۇيىمداستىرۋ مەن دامىتۋدا اقپاراتتىق، ءبىلىم بەرۋ، ادىستەمەلىك جانە كونسۋلتاتسيالىق قولداۋدى جۇزەگە اسىرادى. ايتپاقشى،  جازدا «روزا حۋتور» قازاقستاننان مىڭىنشى كەلۋشىنى قابىلدادى، بيىلعى ماۋسىمدا كۋرورت كەم دەگەندە ناتيجەنى ەكى ەسەلەۋگە ۇمىتتەنەدى. «تۇراقتى اۋە قاتىناسىن ۇيىمداستىرۋدىڭ ارقاسىندا قازاقستاننان تۋريستەر «روزا حۋتورعا» ءجيى كەلەدى. مۇندا ولاردى ەڭ الدىمەن، بەلسەندى جانە ءارتۇرلى دەمالىس تۇرلەرى ەلىكتىرەدى: تاۋداعى جاياۋ باعىتتار، رودەلبان، اسپالى كوپىر، بيىك تاۋلى اتكەنشەكتەر، ۆەلوجارىس، قارا تەڭىزدەگى فيرمالىق جاعاجاي. بىزدە بالالاردىڭ بوس ۋاقىتىن وتكىزۋى جاقسى ۇيىمداستىرىلعانى ايان، مەيرامحانالاردىڭ ۇلكەن تاڭداۋى، كونتسەرتتىك باعدارلاما دا بار. كەزەكتى قىسقى ماۋسىمعا ءبىز بىرقاتار جاڭا بەلسەندىلىكتەر مەن ءتيىمدى ۇسىنىستاردى دايىندادىق، ولار تۋرالى قازاقستانداعى الەۋەتتى سەرىكتەستەرىمىزگە بايانداۋعا اسىقپىز»، دەپ اتاپ ءوتتى «روزا حۋتور» تك حالىقارالىق قاتىناستار جانە تۋريزم دەپارتامەنتىنىڭ باسشىسى اركادي ماركوۆ.

«روزا حۋتور» ماماندارىنىڭ قازاقستانعا ساپارى بارىسىندا وزگە دە ماڭىزدى ءىس-شارالارمەن قاتار  «تۇران» جانە Almaty Management University ستۋدەنتتەرىنە «وقيعالى تۋريزم تۋريستىك قىزمەتتەردى دامىتۋدىڭ پەرسپەكتيۆالى ءتۇرى رەتىندە» تاقىرىبىندا لەكتسيا وتكىزدى. قازاقستاندىق ستۋدەنتتەر حالىقارالىق كۋرورتتاردىڭ تاريحى جانە دامۋ جوسپارلارىمەن تانىسىپ، تۋريزمدەگى سەرپىندى دامىپ كەلە جاتقان باعىت تۋرالى اقپارات الماستى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار