سپورت • 10 جەلتوقسان، 2019

«ماستەرس» تۋرنيرىنە توعىز دزيۋدوشىمىز قاتىسادى

28 رەتكورسەتىلدى

12-14 جەلتوقسان ارالىعىندا قىتايدىڭ تسينداو قالاسىندا دزيۋدودان وتەتىن جىلدىڭ قورىتىندى جارىسى – «ماستەرستە» قازاقستاننىڭ توعىز بالۋانى كۇش سىناسادى.    

ەرلەر باسەكەسىندە ەلدوس سمەتوۆ پەن عۇسمان قىرعىزباەۆ (60 كيلو)، ەرلان سەرىكجانوۆ پەن ەلدوس جۇماحانوۆ (66 كيلو)، جانساي سماعۇلوۆ (73 كيلو)، ديدار حامزا (81 كيلو) جانە يسلام بوزباەۆ (90 كيلو) ونەر كورسەتەدى. ايەلدەر اراسىندا وتگونتسەتسەگ گالبادراح (48 كيلو) پەن سەۆارا نىشانباەۆا (57 كيلو) سايىسقا تۇسەدى. بۇگىنگى تاڭدا قازاقستاننىڭ دزيۋدوشىلارى اراسىنزدا الەمدىك رەيتينگتە ەڭ جوعارى ورىنداردى يەلەنىپ وتىرعاندار وسىلار. 

ايتا كەتەيىك، بۇل بەدەلى وتە زور باسەكە. وسى جارىستا باس جۇلدەنى ولجالاعان بالۋانعا 1800 ۇپاي بەرىلسە، كۇمىس جانە قولا جۇلدەگەرلەر 1260 جانە 900 ۇپايدان ولجالايدى. سوندىقتان دا «ماستەرسكە» قاتىسقان ءار دزيۋدوشىنىڭ تابىستى ونەر كورسەتۋ ءۇشىن بارىن سالاتىنى انىق.

سوڭعى جاڭالىقتار

ۇقساس جاڭالىقتار