بوكس • 10 جەلتوقسان، 2019

الماتىداعى بوكس كەشىندە جۇدىرىقتاساتىن بوكسشىلار انىقتالىپ جاتىر

166 رەتكورسەتىلدى

تاۋەلسىزدىك كۇنىنە وراي 16 جەلتوقساندا الماتىداعى بالۋان شولاق اتىنداعى مادەنيەت جانە سپورت سارايىندا «MTK Global Kazakhs­tan» كومپانياسىنىڭ مۇرىندىق بولۋىمەن وتەتىن بوكس كەشىندە شارشى الاڭعا شىعاتىن 12 جۇپتىڭ سەگىزى انىقتالدى.

وسى كەشتە ەكى بىردەي التىن بەلبەۋدىڭ ساراپقا سالىناتىنىن ءبىز بۇعان دەيىن دە بايانداعانبىز. سوعان سايكەس، ءالى ەشكىمنەن جەڭىلمەگەن جەڭىل سالماقتاعى قازاقستاندىق ۆيكتور كوتوچيگوۆ (10-0، 4 كو)  وزىنە تيەسىلى WBC International نۇسقاسىنىڭ چەمپيوندىق ءتاجىن قورعاپ قالۋ ءۇشىن ارگەنتينانىڭ ازۋلى بوكسشىسى حاۆەر حوسە كلاۆەرومەن (27-5، 5 كو) كۇش سىناسادى.

ەكىنشى جارتىلاي جەڭىل سالماقتاعى سۇلتان زاۋىربەك (8-0، 6 كو) WBC Youth World Champion نۇسقاسىنىڭ التىن بەلبەۋى ءۇشىن قىتايلىق لەشان ليمەن (16-3-2، 9 كو) جۇدىرىقتاسادى.

وزگە سالماق دارەجەلەرى بويىنشا باسەكەلەر مىنا بىلعارى قولعاپ شەبەرلەرى اراسىندا وتەدى: ەسكەندىر حارسان (قازاقستان، 7-0، 6 كو) – توماس ەسسومبا (كامەرۋن، 9-5، 3 كو)، اسا جەڭىل سالماق نۇرتاس اجبەنوۆ (قازاقستان، 7-0، 3 كو) – لەندي كريس لەون (فيليپپين، 13-20-5، 6 كو)، جەڭىل سالماق ەلشات نىعمەتوللا (قازاقستان، 15-0-1، 5 كو) – كريس الفانتە (فيليپپين، 17-7-1، 9 كو)، اسا جەڭىل سالماق اباي تولەش (قازاقستان، 4-0، 3 كو) – توماش بەزۆودا (چەحيا، 8-10، 5 كو)، ورتا سالماق حۋرشيد توجيباەۆ (وزبەكستان، 3-0، 2 كو) – ايزەك دجۋنيور (يندونەزيا، 26-13-3، 9 كو) ەكىنشى جارتىلاي جەڭىل سالماق اليۋ باميدەلە لاسيسي (نيگەريا، 13-0، 8 كو) – حامسون لامانداۋ (يندونەزيا، 10-4-1، 7 كو) ەكىنشى جارتىلاي اسا جەڭىل سالماق. ال قازاقستاندىق ءميراسالى سارسەنوۆ (1-0، 1 كو)، نۇردوس تولەباي (1-0)، راي سەيتجانوۆ (1-0) جانە «MTK Global Kazakhs­tan» كومانداسى ساپىنداعى ايگىلى وزبەك بوكسشىسى، وليمپيادا چەمپيونى فازليددين گايبنازاروۆتىڭ (7-1، 4 كو) قارسىلاستارى ءالى انىقتالعان جوق.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار