ايماقتار • 10 جەلتوقسان، 2019

نۇرلان نوعاەۆ: «جەمقورلىقپەن كۇرەستىڭ ەڭ ناتيجەلى قۇرالدارىنىڭ ءبىرى – تسيفرلاندىرۋ»

22 رەتكورسەتىلدى

اتىراۋدا جەمقورلىققا قارسى كۇرەس پەن ونىڭ الدىن الۋ جولدارى، مەملەكەتتىك قىزمەتتەردىڭ ساپاسىن باقىلاۋ ماسەلەلەرى تالقىلانعان سالتاناتتى شارا ءوتتى، دەپ حابارلادى وڭىرلىك كوممۋنيكاتسيالار قىزمەتى.

اتىراۋ وبلىسىنىڭ اكىمى نۇرلان نوعاەۆ شارانىڭ اشىلۋىندا سويلەگەن سوزىندە جەمقورلىقتىڭ قاي ەلدە بولماسىن قوعامعا كەرى اسەر تيگىزەتىن زاۋال ەكەنىن، قازاقستان حالىقتىڭ جەمقورلىققا قارسى مادەنيەتىن قالىپتاستىرۋعا ۇمتىلىپ وتىرعان ەلدەر قاتارىندا ەكەنىن اتاپ ءوتتى.

-قازاقستاننىڭ تۇڭعىش پرەزيدەنتى  – ەلباسى ءوزىنىڭ «ۇلت جوسپارى – 100 ناقتى قادام» ماقالاسىندا جەمقورلىقپەن كۇرەستى كۇشەيتۋدىڭ ناقتى شارالارىن انىقتاپ بەردى. جەمقورلىق باعىتىنداعى قۇقىقبۇزۋشىلىقتاردىڭ جۇيەلى الدىن الۋ شارالارى. مەملەكەتتىك قىزمەتكەرلەردىڭ اشىقتىعى جەمقورلىق بەلگىلەرىنىڭ ازايۋىنا سەپتەسەدى. جەمقورلىق تاۋەكەلدەرىن تومەندەتۋدىڭ ناتيجەلى ادىستەرىنىڭ ءبىرى – مەملەكەتتىك ورگانداردىڭ الەۋمەتتىك جەلىلەردەگى اشىقتىعى.

بۇل – مەملەكەت باسشىسىنىڭ تىكەلەي تاپسىرماسى. تۇيتكىلدى ماسەلەلەردى شەشۋ كەزىندە مەملەكەتتىك قىزمەتكەرلەردىڭ تۇرعىندارمەن تىكەلەي قارىم-قاتىناس جاساۋىنا جول بەرمەۋ. كوپتەگەن ماسەلەلەر ەلەكتروندى فورماتتا شەشىلەدى، دەدى نۇرلان نوعاەۆ.

–تۇرعىندارمەن تىعىز قارىم-قاتىناس ورناتۋ ماقساتىندا اتىراۋ وبلىسى اكىمدىگىنىڭ Telegram چات-ارناسى اشىلدى. بۇل وڭىردە تۋىنداعان وزەكتى ماسەلەلەردى جەدەل شەشۋدىڭ وتە ءتيىمدى ءادىسى. قازىرگى تاڭدا اتىراۋ وبلىسى اكىمدىگىنىڭ چات-ارناسىندا 14 مىڭ ادام تىركەلگەن جانە ولاردىڭ ارقايسىسى كوكەيىندەگى سۇراقتى قويىپ، تولىققاندى جاۋاپ الا الادى.

ايماق باسشىسى اتاپ وتكەندەي، اپتا سايىن اۋدان اكىمدەرىنىڭ، مەملەكەتتىك ورگان باسشىلارىنىڭ تىكەلەي ەفيرى وتكىزىلىپ تۇرادى. جەمقورلىقپەن كۇرەستىڭ ەڭ ناتيجەلى قۇرالدارىنىڭ ءبىرى – مالىمەتتەر بەرۋدى تسيفرلاندىرۋ.

قازىرگى تاڭدا، مەملەكەتتىك قىزمەتتىڭ باسىم بولىگى ەلەكتروندى فورماتتا كورسەتىلىپ، مەملەكەتتىك قىزمەتكەردىڭ قىزمەت الۋشىمەن تىكەلەي قارىم-قاتىناس ورناتۋىنا جول بەرمەيدى.

اتىراۋ وبلىسى اكىمدىگىنىڭ قولداۋىمەن «گەواقپاراتتىق پورتال» جوباسى جۇزەگە اسۋدا. بۇل تۇرعىندار ءۇشىن قاجەتتى اقپاراتتى ينتەرنەت ارقىلى الۋعا مۇمكىندىك بەرەدى. ءبىز اتالعان جۇيەنى العا قاراي دا جەتىلدىرە بەرەمىز، دەپ مالىمدەدى وبلىس اكىمى.

گەوپورتال – تۇرعىنداردى، جەرگىلىكتى اتقارۋشى ورگانداردى جانە ايماق تۋرالى كارتوگرافيالىق اقپاراتتى ءبىر اقپاراتتىق ارناعا توعىستىرعان وتاندىق يننوۆاتسيالىق ءىت-جوبا.

سىبايلاس جەمقورلىققا قارسى اگەنتتىگىنىڭ اتىراۋ وبلىستىق دەپارتامەنتىنىڭ باسشىسى نىعمەدجان ساپاروۆ، ءوز سوزىندە بۇل قوعام دەرتىنىڭ الەمنىڭ بارلىق ەلدەرىندە، ولاردىڭ دامۋ دەڭگەيىنە قاراماستان ورىن الىپ وتىرعانىن اتاپ ءوتتى.

-ول ەكونوميكالىق دامۋدى تۇرالاتىپ، قوعامدىق ءتارتىپتى بۇزىپ، قوعامنىڭ سەنىمىنە سەلكەۋ تۇسىرەدى. بۇگىندە جەمقورلىققا قارسى اگەنتتىك ايماقتا اۋقىمدى الدىن الۋ جۇمىستارىن جۇرگىزىپ وتىر. بيىل 2،5 مىڭنان استام ءىس-شارا وتكىزىلدى. ولار حالىقتىڭ بارلىق توپتارىن قامتىدى.

قۇرىلعان ارنايى ورگان جەمقورلىقتىڭ سالدارىمەن كۇرەسىپ قانا قويماي، اتالعان باعىتتاعى مەملەكەتتىك ساياساتتى حالىققا ءتۇسىندىرۋ جۇمىستارىمەن، تۇرعىنداردىڭ جەمقورلىققا قارسى مادەنيەتىن جوعارىلاتۋمەن اينالىسادى، دەدى نىعمەدجان ساپاروۆ.

شارا بارىسىندا بىرقاتار قوعام بەلسەندىلەرى، باق وكىلدەرى جەمقورلىققا قارسى كۇرەسكە، قوعامدا جەمقورلىققا قارسى مادەنيەتتى قالىپتاستىرۋعا قوسقان ۇلەستەرى ءۇشىن العىس حاتتارمەن ماراپاتتالدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار