سپورت • 09 جەلتوقسان، 2019

كاسىپقويلار اراسىنداعى جارىستا دا جەرلەستەرىمىز دەس بەرمەدى

75 رەتكورسەتىلدى

الماتىدا برازيليالىق دجيۋ-دجيتسۋ مەن گرەپپلينگتەن «Arlan Grip Championship2019» دەپ اتالاتىن اسا ءىرى حالىقارالىق تۋرنير ءوز مارەسىنە جەتتى. 

الماتى قالاسى اكىمدىگىنىڭ قولداۋىمەن «رۋحاني جاڭعىرۋ» باعدارلاماسى اياسىندا ۇيىمداستىرىلعان ايتۋلى دودادا بالالار مەن جاسوسپىرىمدەر جانە ەرەسەكتەر مەن ارداگەرلەردىڭ قالاي ونەر كورسەتكەنى جايىندا ءبىز بۇعان دەيىن دە تولىق اقپارات بەرگەن ەدىك. ءتۋرنيردىڭ سوڭعى كۇنى ADCC نۇسقاسى بويىنشا كاسىپقويلار اراسىندا باسەكەلەر ءوتتى.

جارىس جولىنا شىققان 80 سپورتشى التى جۇلدە جيىنتىعىن ساراپقا سالدى. كاسىپقويلار اراسىنداعى «جان الىسىپ، جان بەرىسكەن» ايقاستاردىڭ قورىتىندىسى بويىنشا ەسىمدەرى تومەندە اتالعان سپورتشىلار جەڭىس تۇعىرىنا كوتەرىلدى:  

65،9 كيلو: 1. سۇلتان الىباەۆ (قازاقستان)، 2. ناريمان مىڭباەۆ (قازاقستان)، 3. باۋىرجان الىمباەۆ (قازاقستان).

76،9 كيلو: 1. ەرالى بالدىبەكوۆ (قازاقستان)، 2. نارتاي قاجەكوۆ (قازاقستان)، 3. ماعجان ماراتحان (قازاقستان).

87،9 كيلو: 1. دانيار اۋباكىروۆ (قازاقستان)، 2. تەمىرلان الپىسوۆ (قازاقستان)، 3. يلنار سارقۇلوۆ (قازاقستان).

98،9 كيلو: 1. رامازان قۇسايىنوۆ (قازاقستان)، 2. بەكسۇلتان ومىرزاقوۆ (قىرعىزستان)، 3. ەۆگەني حان (رەسەي).

+99 كيلو: 1. شاحمارال جەتپىسوۆ (قازاقستان)، 2. ارمان جانپەيىسوۆ (قازاقستان)، 3. شىڭعىس تۇرسىنحانوۆ (قازاقستان).

ءابسوليۋتتى سالماق: 1. شاحمارال جەتپىسوۆ (قازاقستان)، 2. تەمىرلان الپىسوۆ (قازاقستان)، 3. بەكزات بايمۇراتوۆ (قازاقستان).

9

جارىس قورىتىندىسى بويىنشا 6 التىن، 5 كۇمىس جانە 5 قولا مەدالدى يەلەنگەن قازاقستان قۇراماسى جالپى كوماندالىق ەسەپتە باس جۇلدەنى ولجالادى. سونداي-اق، قىرعىزستان مەن رەسەي سپورتشىلارىنا ءبىر-ءبىر جۇلدەدەن بۇيىردى. جەڭىس تۇعىرىنا كوتەرىلگەن ساڭلاقتاردى دجيۋ-دجيتسۋ مەن گرەپپلينگتىڭ حاس شەبەرى، وسى ءتۋرنيردى تاماشالاۋ ءۇشىن سوناۋ اۆستراليادان ارنايى كەلگەن داڭقتى سپورتشى كرەيگ دجونستىڭ ءوزى ماراپاتتادى.   

بىرەر جىلدان بەرى «Qazagstan Top Team» كومانداسىن جاتتىقتىرىپ جۇرگەن اقش مامانى ادام فوكس «Arlan Grip Championship» ءتۋرنيرىنىڭ اسا بۇل جولى دا جوعارى دەڭگەيدە وتكەنىن ايتا كەلە، ۇيىمداستىرۋشىلارعا زور العىسىن ءبىلدىردى.   

7

9

سوڭعى جاڭالىقتار

جازىعى جوق كوكتەمنىڭ

ادەبيەت • كەشە

ۇقساس جاڭالىقتار