ايتۋلى سپورت ءتۇرى بويىنشا ەلىمىزدە تۇڭعىش رەت ۇيىمداستىرىلعان ءباسى بولەك بايراقتى باسەكەدە قازاقستاننىڭ ۇلتتىق قۇراماسى تابىستى ونەر كورسەتىپ, جەرگىلىكتى جانۇيەرلەردى قۋانىش پەن شاتتىققا بولەدى. بۇل جارىستا ءۇش جەرلەستەرىمىز التىن تۇعىرعا كوتەرىلدى.
اتاپ ايتساق, ايەلدەر اراسىندا 50 كيلو سالماق دارەجەسىندە باق سىناعان ليۋدميلا ۋستيۋگوۆا فينالدا ۇلىبريتانيالىق بەت روۋلاندس-حەيليدەن باسىم ءتۇستى.
70 كيلو سالماقتاعى الەمگۇل سابىرحان شەشۋشى سايىستا پولشالىق اگاتا ۆينيارسكاعا سان سوقتىردى.
ەرلەر باسەكەسىندە 85 كيلو سالماقتا ايقاسقان ۆلاديمير ءارتيۋشيننىڭ اسىعى الشىسىنان ءتۇستى. اقتىق سىندا ول بولگاريالىق كريستيان دويچەۆتەن ايلاسىن اسىردى.
سونىمەن قاتار وسى جارىستىڭ قورىتىندىسى بويىنشا تاعى بىرنەشە سپورتشىمىز جۇلدەگەرلەر ساناتىنا قوسىلدى.
