ساياسات • 09 جەلتوقسان، 2019

قازاقستان ەلشىسى ماجارستاننىڭ پرەزيدەنتىنە سەنىم گراموتالارىن تاپسىردى

14 رەتكورسەتىلدى

بۋداپەشتتە «شاندور» سارايىندا قازاقستان رەسپۋبليكاسىنىڭ ەلشىسى جانىبەك ءابدراشوۆتىڭ ماجارستان رەسپۋبليكاسىنىڭ پرەزيدەنتى يانوش ادەرگە سەنىم گراموتالارىن سالتاناتتى تاپسىرۋ ءراسىمى بولدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى. 

سالتاناتتى راسىمنەن كەيىنگى كەزدەسۋدە ەلشى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جانە قازاقستان پرەزيدەنتى قاسىم-جومارت توقاەۆتىڭ پرەزيدەنت يا.ادەردىڭ اتىنا ىزگى تىلەكتەرىن جەتكىزدى.  ج.ءابدراشوۆ قازاقستانداعى الەۋمەتتىك-ەكونوميكالىق احۋال تۋرالى، قر پرەزيدەنتى ق. توقاەۆ ۇستىمىزدەگى جىلعى قىركۇيەكتەگى جولداۋىندا العا قويعان ەلىمىزدى ودان ءارى رەفورمالاۋ جانە قازاقستاندىق قوعامدى دامىتۋ جونىندەگى شارالار تۋرالى ايتىپ بەردى.   

سونىمەن قاتار تاراپتار ساياسي، ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ جاي-كۇيى مەن كەلەشەگىن، سونداي-اق حالىقارالىق پروبلەمالاردى تالقىلادى.   اتاپ ايتقاندا، ەلشى «ەلدەر اراسىندا ەكونوميكا سالاسىندا قاجەتتى شارتتىق بازا قالىپتاستىرىلعانىنا، ەكىجاقتى ينستيتۋتتاردىڭ، ونىڭ ىشىندە ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ، ىسكەرلىك كەڭەستىڭ، قازاقستان-ماجار تىكەلەي ينۆەستيتسيالار قورىنىڭ جەمىستى جۇمىسىنا، «نۇر-سۇلتان-بۋداپەشت» اۆياقاتىناسىنا توقتالىپ، اتاپ ءوتتى.   

پرەزيدەنت يا.ادەر ەكىجاقتى قارىم-قاتىناستاردىڭ جوعارى دەڭگەيىن اتاپ ءوتىپ، ورتالىق ازياداعى ءوزىنىڭ سەنىمدى سەرىگى رەتىندە قاراستىراتىن قازاقستانمەن ماجارستاننىڭ ستراتەگيالىق ارىپتەستىگىن ودان ءارى نىعايتۋ مەن دامىتۋعا ازىرلىگىن ءبىلدىردى.   

كەزدەسۋ سوڭىندا قازاقستاندىق ديپلومات ەكى ەل اراسىنداعى ستراتەگيالىق ارىپتەستىكتى ودان ءارى نىعايتۋ ءۇشىن بارلىق كۇش-جىگەرىن جۇمسايتىنىن جەتكىزدى.   ءوز تاراپىنان پرەزيدەنت يا.ادەر قازاقستان ەلشىسىن ماجارستانداعى ديپلوماتيالىق ميسسياسىنىڭ باستالۋىمەن قۇتتىقتاپ، جۇمىسىنا تابىس تىلەدى.

سالتاناتتى ءراسىم بۋداپەشتتەگى ماجارستان باتىرلارى مونۋمەنتىنە گۇل شوعىن قويۋمەن اياقتالدى.  

9

9

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • 25 قاڭتار، 2020

ەلەكتىڭ سورى – التى ۆالەنتتى حروم

ەكولوگيا • 25 قاڭتار، 2020

بقو پوليتسياسى 440 وتباسىن تەكسەردى

ايماقتار • 25 قاڭتار، 2020

تۇركيادا جەر سىلكىنىسى بولدى

الەم • 25 قاڭتار، 2020

قىزىلوردا: قازالىداعى قونىس توي

ايماقتار • 25 قاڭتار، 2020

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار