ايماقتار • 09 جەلتوقسان، 2019

361 ليفت اۋىستىرىلادى

26 رەتكورسەتىلدى

قاراعاندى وبلىسىنىڭ اكىمدىگى مەن «تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اكتسيونەرلىك قوعامى ىنتىماقتاستىق تۋرالى مەموراندۋمعا قول قويدى.

بۇل كەلىسىم بويىنشا قاراعاندى وبلىسىندا ون­داعان جىل بويى جۇمىس ىس­تەمەي كەلگەن ليفتى­لەر جەل­توقسان ايىندا تولىعى­مەن جاڭاسىنا اۋىستىرىلا­دى. ايتا كەتۋ كەرەك، قارا­عاندى وبلىسى اتالعان باعدار­لامانى ىسكە اسىرۋ بويىنشا سىنامالى ءوڭىر رەتىندە تاڭ­دالىپ وتىر. الداعى ۋاقىتتا بۇل جوبانى ەلىمىز بويىنشا جۇزەگە اسىرۋ جوسپارلانعان.

كەزدەسۋ بارىسىندا وبلىس اكىمى جەڭىس قاسىمبەك جوعارىدا اتالعان ماسەلەنىڭ وزەكتىلىگىن اتاپ ءوتتى.

– قاراعاندى وبلىسى بو­يىن­شا قاراعاندى، تەمىر­تاۋ، بالقاش، جەزقازعان، شاح­­تينسك، ساتباەۆ، ساران جانە اباي قالالارىندا ليفت شا­رۋا­­­شى­لىعىنا تولىقتاي تەك­­سەرۋ­لەر جۇرگىزىلدى. كوپقا­­بات­تى ۇيلەردە 361 ليفت جۇ­­­مىس ىستەمەيدى. بۇدان بولەك تاعى 800-گە جۋىق كوتەر­­گىش قۇ­رىل­عىلاردىڭ پاي­­دا­لانۋ مەر­زىمى اياقتالۋعا جاقىن. «تكش جاڭعىرتۋ مەن دا­مىتۋدىڭ قازاقستاندىق ور­تا­لى­عىمەن» بىرلەسىپ، ءبىز ۇلكەن جۇمىستى باستايمىز. سى­نا­مالى جوبانى ىسكە اسىرۋ­عا جەلتوقسان ايىندا كىرىسەمىز. جىل سوڭىنا دەيىن 10-20 ءليفتى اۋىستىرۋدى جوسپارلاپ وتىرمىز. بۇل تەك باستاماسى عانا. ال كەلەسى جىلى 160-170 جاڭا ليفت ورناتامىز، – دەدى ءوڭىر باسشىسى.

«تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق وكىلدەرى قارا­عاندىلىقتاردىڭ سىنامالى جوبانى جۇزەگە اسىرۋعا دايىن ەكەندىكتەرىن جەتكىزدى. مۇنىڭ ءوزى جۇمىستى جەدەل باستاۋعا مۇمكىندىك بەرەدى.

– ليفت شارۋاشىلىعىنىڭ ماسەلەسى – بۇكىل ەل ءۇشىن وزەكتى. رەسپۋبليكادا 4 مىڭنان استام ليفت اۋىستىرۋدى قاجەت ەتە­دى. باعدارلامانى سىنامالى رەجىمدە قاراعاندى وبلىسىن­دا ىسكە قوسامىز. قارجى بولى­نەدى. مەحانيزمدەردى جەتىل­دىرەمىز، – دەپ اتاپ ءوتتى «تۇر­عىن ءۇي-كوممۋنالدىق شارۋا­شى­لىعىن جاڭعىرتۋ مەن دا­مىتۋدىڭ قازاقستاندىق ورتا­لى­عى» اق توراعاسىنىڭ ورىن­­با­سارى مەيىرجان ماكەنوۆ.

بۇل ماقساتقا اتالعان ور­تا­لىق سەگىز جىل مەرزىمگە 2 ملرد تەڭگە كولەمىندە قا­رىز بەرەدى. تۇرعىندار بۇل قارا­جاتتى بىرتىندەپ وتەيتىن بو­لادى. ەسەپ ايىرىسۋ بويىن­شا ءار پاتەردەن اي سايىنعى تو­لەم 4 مىڭ تەڭگەدەن اسپايدى.

وبلىس اكىمى بۇل جوبانىڭ قىسقا مەرزىم ىشىندە كوپ جىلدان بەرى قوردالانعان پروب­لەمانى شەشۋگە مۇمكىندىك بەرەتىنىن اتاپ ءوتتى.

– مەنىڭ ويىمشا، نەسيە شارتتارى جەڭىلدەتىلگەن جانە قولايلى. ءبىز الدىن الا ءۇي تۇر­عىندارىمەن جيىندار وت­كىزدىك، ءتارتىپ ءتۇسىندىرىلدى. ارينە، بەلگىلى ءبىر ماسەلەلەر بولدى. ماسەلەن، الەۋمەتتىك وسال ساناتتاعى وتباسىلار ءۇشىن باسقا ولشەمدەر بولادى. ولار تۇرعىن ءۇي كومەگى ارقىلى شىعىنداردى وتەيدى. جالپى، تۇرعىندار وسى باعدارلامانى اسىعا كۇتىپ وتىر دەپ ايتقىم كەلەدى. كۇن سايىن 8-9-ءشى قا­باتقا جاياۋ شىعۋ ىڭعايسىز جانە وتە قيىن. مەنىڭ ويىمشا، كەلەسى جىلى وسى پروبلەمانى تۇبەگەيلى شەشۋگە بولادى، – دەدى جەڭىس قاسىمبەك.

قاراعاندى وبلىسىندا 2021 جىلعا دەيىن كوپقاباتتى ۇيلەردەگى جۇمىس ىستەمەيتىن 361 ليفت تولىعىمەن اۋىستىرىلادى دەپ جوسپارلانعان. بۇل دەگەنىڭىز، الداعى ۋاقىتتا اتقارۋشى بيلىك بارلىق ليفت شارۋاشىلىعىن نورماتيۆتىك تالاپتارعا ساي كەلتىرەدى دەگەن ءسوز.

 

قاراعاندى

 

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ۇقساس جاڭالىقتار