وسى ورايدا اقتوبەدە ونىڭ بۇگىنگى زاماناۋي ءتاسىلى جۇزەگە اسىرىلىپ وڭىردەگى بارلىق مەديتسينالىق مەكەمەلەرگە ارنايى ماقساتتاعى QR كودتار ورناتىلدى. وسى ارقىلى تۇرعىنار كودتى سمارتفونمەن سكانەرلەپ مەديتسينالىق ۇيىمنىڭ قىزمەت كورسەتۋ دەڭگەيى مەن ساپاسىن باعالاي الادى. سونىمەن بىرگە بۇل جونىندە ءوز وي-پىكىرىن جازىپ نەمەسە اۋىزشا ايتىپ قالدىرۋىنا دا بولادى.
تىڭ باعالاۋ ءتاسىلى مەديتسينالىق مەكەمەلەر ءۇشىن جاڭا ساپا ستاندارتتارىن ەنگىزۋگە مۇمكىندىك تۋعىزادى. سونداي-اق تۇرعىنداردىڭ تالاپ-تىلەكتەرى مەن سۇرانىستار جان-جاقتى زەردەلەۋگە دە جول اشىلادى. ەڭ باستىسى QR كودتار ورناتۋ ارقىلى جايلىلىق دەڭگەيىن كوتەرىپ جوعارىدا ايتىلعانداي مەملەكەتتىك مەديتسينالىق مەكەمەلەردىڭ قىزمەت كورسەتۋ ساپاسىن ودان ءارى جەتىلدىرۋ كوزدەلگەن. بۇل جونىندە گازەت تىلشىسىنە «مىندەتتى الەۋمەتتىك مەديتسينالىق ساقتاندىرۋ قورى» وبلىستىق فيليالىنىڭ ديرەكتورى گۋلميرا قوجانيازوۆا ايتىپ بەردى.
بۇگىنگى كۇنى قور ماماندارى QR كود ارقىلى مەديتسينالىق مەكەمەلەرگە قالاي باعا بەرۋ كەرەكتىگى جونىندە جان-جاقتى ءتۇسىندىرۋ جۇمىستارىن جۇرگىزىلۋدە.
اقتوبە
