رۋحانيات • 08 جەلتوقسان، 2019

الماتىداعى «AǴYM» كورمەسى جاس سۋرەتشىلەرگە رۋحاني شابىت بەرەدى

60 رەتكورسەتىلدى

اياقتالىپ كەلە جاتقان 2019 جىل جاستار ءۇشىن ەرەكشە جىل بولدى. ەلباسىمىز ن.ءا. نازارباەۆتىڭ وتكەن جىلعى جولداۋىندا بيىلعى جىلدى – جاستار جىلى دەپ جاريالاعانى بەلگىلى. بۇل باستاما شاما-شارقىنشا مادەنيەتتىڭ ءار سالاسىندا جۇرگەن تالانتتارعا شىعارماشىلىق شابىت سىيلاپ، ونەرگە قۇلشىندىردى.

رۋحاني سالادا مەملەكەت تاراپىنان كورسەتىلىپ جاتقان قولداۋ  الماتىداعى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ «كەسكىندەمە، ءمۇسىن جانە ديزاين» فاكۋلتەتىنىڭ جاس سۋرەتشىلەرىنە ومىردە دە، ونەردە دە  دۇرىس شەشىمدەر قابىلداۋى ءۇشىن كومەگىن تيگىزەرى ءسوزسىز.

قازاق سۋرەتشىلەرىنىڭ تۋىندىلارى بۇگىندە وزىنە اسا نازار اۋدارتىپ قويماي، ۇلكەن قىزىعۋشىلىق تۋدىراتىنى كەزدەيسوق ەمەس. ونەرگە ەندى قادام باسىپ جاتقان تالاپكەرلەردەن جاڭا لەپ، جاڭا قادامبايقالادى.

الماتىدا ساناۋلى كۇندەردەن كەيىن تۇساۋىن كەسەتىن «AǴYM» اتتى جاس سۋرەتشىلەركورمەسىندە قازىرگى ونەردىڭ  كەلبەتى، مازمۇندىق بەينەلىك-ىرعاقتىق ۇستانىمدارىنىڭ وزىندىك بىرلىگى سالتانات قۇراتىن بولادى.  بۇگىنگى بۋىننىڭ باستى سيپاتى – ولاردىڭ بەينەلەۋىندەگى شەبەرلىككە، رۋحاني مازمۇندىلىققا دەگەن ۇمتىلىس بار.

كورمەگە قويىلاتىن تۋىندىلاردان ۋاقىت سيپاتىن، جاس سۋرەتشىلەردىڭ كوڭىل ەفيرىن، ءبىلىم الۋ ۇدەرىسىندەگى كاسىپقويلىق تالاپتارىن دا كورە الامىز.

جاس سۋرەتشىلەردىڭ جۇمىسىنا قاتىستى سۇراقتارعا جاۋاپ بەرمەي تۇرىپ، بىلاي قاراعاندا باستاپقىدا پارادوكسالدى بولىپ كورىنەتىن ەسكەرتۋ جاساپ كورەيىك: ءبىزدىڭ زەرتتەۋلەرىمىز قانداي دا ءبىر «جاستار ونەرى» جايلى ەمەس، قازاق  سۋرەتشىلەرىنىڭ جاڭا بۋىنىنىڭ ونەرى – بۇگىننەن باستالاتىن بولاشاق ۇلتتىق جاڭا تۋىندىلار جايىندا اڭگىمە قوزعالعانى دۇرىس. ءبىزدىڭ ەسكەرتۋىمىز ونەر تۋىندىسىنىڭ اقيقاتتىلىعى مەن ساپاسى، ونى جاساۋشىنىڭ جاسىمەن بايلانىستى ەمەس ەكەندىگىن تولىق سەنىمدىلىكپەن ايتا الاتىندىعىمىزدا. شىن مانىندە، سۋرەتشىنىڭ كەيدە جوعارعى شەگى مەن قۇلدىراۋىن قوسقاندا، ونىڭ بۇكىل عۇمىرىن شىعارماشىلىق ءومىرى قامتيدى. ال جاسىنا قاراپ، ءونەردى باعالاۋ، اكسيولوگيالىق تاسىلىمەن العاندا اسا دەرەكسىز بولىپ كورىنەدى. جاس مولشەرىمەن قاتاڭ بايلانىستى ونەر بولمايدى، دەيدى پروفەسسور، فيلوسوفيا عىلىمىنىڭ كانديداتى جاناربەك بەرىستەن.

سوندىقتان «ءبىر ساپتا» ءار ءتۇرلى ستۋدەنت سۋرەتشىلەر بار. بۇعان كوز جەتكىزۋ ءۇشىن وركەن ايات، ءاليحان جاحانشا،جانسايا كيىكباي،  ماحاببات ساعىندىق، ميراس ورداباي  سياقتى كەسكىندەمەشىلەر مەن قاتار ءومىر گۇلكەنجە، ءاليا تىلەۋحان قىزى، مادينا كادءىرباي، باقىت ابدىرازاق سياقتى ساندىك ونەر شەبەرلەرىنىڭ ەڭبەكتەرىنە جۇگىنۋگە بولادى. ەڭ باستىسى، «AǴYM» كورمەسىنە بارىنەن بۇرىن، ونەرگە دەگەن رياسىز وزىندىك كوزقاراستار ءتان ەكەنىن ايتا كەتكەن ءجون.

 

الماتى

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

ۇقساس جاڭالىقتار