رۋحانيات • 07 جەلتوقسان، 2019

الماتىدا اكادەميك ۆالەنتينا جۇماعۇلوۆا اتىنداعى ءدارىسحانا اشىلدى

86 رەت كورسەتىلدى

الماتىداعى قازاق ۇلتتىق قىزدار پەداگوگيكالىق ۋنيۆەرسيتەتىندە اكادەميك ۆالەنتينا جۇماعۇلوۆا اتىنداعى ءدارىسحانا اشىلدى.

كورنەكتى لينگۆيست عالىمنىڭ 65 جىلدىق مەرەيتويى قارساڭىندا ۇيىمداستىرىلعان شاراعا جوعارى وقۋ ورىندارىنىڭ باسشىلارى، ونىڭ ارىپتەستەرى مەن شاكىرتتەرى جانە ءبىلىم ورداسىنىڭ ۇجىمى قاتىستى.

ۆالەنتينا جۇماعۇلوۆا – حالىقارالىق جوعارى مەكتەپ عىلىمدارى اكادەمياسىنىڭ اكادەميگى، فيلولوگيا عىلىمدارىنىڭ دوكتورى، پروفەسسور. ول وتاندىق بىلىكتى كادرلار مەكتەبىنىڭ نەگىزىنىڭ قالانۋىنا جانە سالانىڭ دامۋىنا ەلەۋلى ۇلەس قوسىپ كەلە جاتقان عالىمنىڭ ءبىرى.ۆ. جۇماعۇلوۆا العاش رەت قازاق باسپاسوزىندەگى سىقاق جانرىنىڭ تىلدىك ەرەكشەلىكتەرىن، گازەت ايدارلارىنىڭ ستيليستيكالىق قىزمەتىن جانە قازاقستاننىڭ ءورىستىلدى باسپاسوزىندەگى ەموتسيونالدى-ەكسپرەسسيۆتى لەكسيكانىڭ قالىپتاسۋىن جان-جاقتى زەردەلەدى. ۇزاق جىلعى زەرتتەۋدىڭ ناتيجەسى عالىمنىڭ «قازاقستاننىڭ ءورىستىلدى باسپاسوزىندەگى سىقاق پەن مىسال» اتتى دوكتورلىق ديسسەرتاتسياسىندا جيناقتالىپ، كوزىقاراقتى كوپشىلىكتىڭ نازارىنا ۇسىنىلدى. بۇل جۇمىس بۇقارالىق كوممۋنيكاتسيا ءتىلى دامۋىنىڭ جالپى جانە جەكە ءۇردىسىن جۇيەلى لينگۆيستيكالىق قابىلداۋ جولىنداعى ماڭىزدى قادام بولدى.

ۆ. جۇماعۇلوۆانىڭ مەرەيتويلىق جيىنىن قىزدار ۋنيۆەرسيتەتىنىڭ رەكتورى گاۋحار الدامبەرگەنوۆا اشىپ، ونىڭ وتاندىق عىلىمدى دامىتۋداعى ۇلەسى مەن قىزمەتىن اتاپ ءوتتى.

– ۆالەنتينا يۆانوۆنا ەڭبەك جولىن قازاق ۇلتتىق قىزدار پەداگوگيكالىق ۋنيۆەرسيتەتىنەن باستادى. ول تاجىريبەلى پەداگوگ رەتىندە وقىتۋدىڭ جاڭا ادىستەرى مەن تاسىلدەرىن جاساپ، ونىڭ وقۋ ۇدەرىسىنە ەنگىزىلۋىنە جۇيەلى ىقپال ەتتى. ونىڭ تىكەلەي ۇيىتقى بولۋىمەن وقۋ ورنىنىڭ ستۋدەنتتەرىنىڭ شىعارماشىلىق الەۋەتىن ارتتىرۋ ماقساتىندا تۇلعاعا باعىتتالعان وقىتۋ، كۇردەلى وقۋ، ىنتىماقتاسا وقىتۋ سياقتى جاڭا ءبىلىم بەرۋ تەحنولوگيالارى قولدانىسقا ەندى. بۇگىندە دە اتالعان ءادىس-تاسىلدەر پەداگوگتاردى زامان تالابىنا  ساي دايارلاۋدا ءتيىمدى  پايدالانىلىپ كەلەدى. سونىمەن قاتار ۆالەنتينا جۇماعۇلوۆانىڭ جەتەكشىلىگىمەن وقۋ جوسپارلارى جانە ءتىل ءبىلىمىنىڭ وزەكتى ماسەلەلەرىمەن بايلانىستى ەڭبەك نارىعى قاجەتتىلىگىنە ساي تاڭداۋ پاندەرى جاسالدى. ونىڭ قولداۋىمەن ۋنيۆەرسيتەتتىڭ پروفەسسور-وقىتۋشىلارىنىڭ عىلىمنىڭ وزەكتى ماسەلەلەرىنە ارنالعان وقۋ قۇرالدارى جارىق كوردى، – دەدى ۋنيۆەرسيتەت باسشىسى.

سونىمەن قاتار ول عالىمعا قىزدار ۋنيۆەرسيتەتىنىڭ «قۇرمەتتى پروفەسسورى» اتاعىن سالتاناتتى تۇردە تاپسىردى.

وقۋ ورنىنىڭ ۇجىمى مەن ستۋدەنتتەرى قاتىسقان جيىن بارىسىندا سونداي-اق قازاقستان رەسپۋبليكاسى ۇلتتىق ينجەنەرلىك اكادەميانىڭ ءبىرىنشى ۆيتسە-پرەزيدەنتى، اكادەميك نادير ناديروۆ، تۇران ۋنيۆەرسيتەتىنىڭ رەكتورى راحمان الشانوۆ، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ وقۋ جانە وقۋ-ادىستەمەلىك جۇمىستار جونىندەگى پرورەكتورى شارىپبەك امىربەكوۆ، قىزدار ۋنيۆەرسيتەتىنىڭ ورىس ءتىلى مەن ادەبيەتى كافەدراسىنىڭ پروفەسسورى كلارا مىڭجاساروۆا، ارداگەر ۇستاز الما ءتاجىمۇراتوۆا، عالىمنىڭ شاكىرتتەرى الماگۇل زاداەۆا مەن بەيبىتكۇل كاريموۆا ءسوز سويلەپ، ىزگى نيەتىن جەتكىزدى.

ايتا كەتەيىك، ۆالەنتينا جۇماعۇلوۆانىڭ ەسىمىبىرقاتار باعدارلامالار مەن ىرگەلى جانە قولدانبالى عىلىمي زەرتتەۋ باعدارلامالارىنىڭ اۆتورى رەتىندە تانىمال. بۇل تاراپتا ونىڭ 10-عا جۋىق زەرتتەۋ ەڭبەگى جارىق كورگەن.

 

الماتى

سوڭعى جاڭالىقتار

دوللار ارزانداپ كەلەدى

ەكونوميكا • بۇگىن، 13:31

بۇعىنىڭ مۇيىزدەرى ۇرلانعان

ايماقتار • بۇگىن، 11:38

سالاعا دەم بەرگەن جان

ەكونوميكا • بۇگىن، 10:01

الماتىدا جەر سىلكىندى

ايماقتار • بۇگىن، 09:23

تاتيانانىڭ ءتاتتى جىميىسى

رۋحانيات • بۇگىن، 08:39

اسپانداعى اردانا

قوعام • بۇگىن، 08:39

سۋپەركۋبوك كىمگە بۇيىرادى؟

سپورت • بۇگىن، 08:35

ءسوز سويىل №101

قوعام • بۇگىن، 08:23

قاعيداتى – قاراپايىمدىلىق

قوعام • بۇگىن، 08:17

نازىك تە ەرجۇرەك ارۋلار

قوعام • بۇگىن، 08:16

«التىن القالى» ايىم

ايماقتار • بۇگىن، 08:14

ولەڭدەر توپتاماسى

رۋحانيات • بۇگىن، 08:09

جۇرت ىزدەگەن جىبەك

ايماقتار • بۇگىن، 08:06

ءۇمىت شوعىن مازداتقان

قوعام • بۇگىن، 08:05

بيىكتەن قارايتىن ءبيبى

قوعام • بۇگىن، 08:04

مەيىرىم

رۋحانيات • بۇگىن، 08:02

بىلىكتى باسشى، ءبىلىمدى مامان

ايماقتار • بۇگىن، 08:01

تاعىلىمى تەرەڭ كاسىپ يەسى

رۋحانيات • بۇگىن، 07:54

عىلىم الەمىن ارلەگەندەر

رۋحانيات • بۇگىن، 07:51

ۇقساس جاڭالىقتار